Farinn frá félaginu eftir að fyrirliði liðsins hélt við eiginkonu hans

Danski knattspyrnumaðurinn Jonas Borring hefur ákveðið að yfirgefa Randers eftir að upp komst eiginkona hans hafi haldið framhjá honum með fyrirliða liðsins.

Christian Keller, er fyrirliði Randers, og átti hann í ástarsambandi við Kira Egsgaard, eiginkonu Jonas Borring.

„Eftir að hafa hugsað málið vel og vandlega þá hef ég ákveðið að yfirgefa félagið. Þetta hefur einfaldlega tekið og mikið á andlega,“ segir Borring.

Sjá einnig: Fyrirliðinn hélt við eiginkonu liðsfélaga

„Félagið skiptir mig miklu máli og það er mjög erfitt að fara frá aðdáendum klúbbsins sem hafa ávallt staðið þétt við bakið á mér.“

Borring er nú skilinn við konuna, Kira, en þau búa samt enn í sama húsi með börnum sínum. Þjálfari Randers, Colin Todd, er búinn að setja Keller á bekkinn.

„Hann segir að ég sé á bekknum þar sem aðrir menn séu betri en ég í augnablikinu. Ég virði það og félagið. Ég fer eftir því sem stjórinn segir,“ sagði Keller í vikunni.

Fyrirliðinn hefur ekki rætt við Borring síðan að málið komst upp.