Ármann Pétur Ævarsson var markahæsti maður vallarins í leik Fjölnis og Þórs á gervigrasi Fjölnismanna í gær en það var engin ástæða fyrir Akureyringinn að fagna því.
Ármann Pétur Ævarsson skoraði nefnilega tvö mörk í eigið mark þegar Þórsliðið tapaði 5-1 á móti Pepsi-deildarliði Fjölnis.
Gunnar Helgason, dómari leiksins, skráði tvö af mörkum Fjölnis sem sjálfsmörk hjá Ármanni Pétri. Sjálfsmörkin komu Fjölni í 2-0 á 31. mínútu og í 4-1 á 48. mínútu. Jóhann Helgi Hannesson hafði minnkað muninn í 2-1 á 42. mínútu leiksins.
Hin mörk Fjölnis í leiknum skoruðu þeir Gunnar Már Guðmundsson á 15. mínútu, Birnir Snær Ingason á 45. mínútu, Þórir Guðjónsson á 62. mínútu og Ísak Atli Kristjánsson á 85. mínútu.
Fjölnir er í 3. sæti riðilsins með 6 stig úr fjórum leikjum en Þórsliðið er tveimur stigum og einu sæti neðar.
Fjölnismenn töpuðu fyrstu tveimur leikjum sínum en hafa síðan unnið tvo leiki í röð. Þórsarar unnu 5-0 stórsigur á Leikni F. í fyrsta leik en hafa síðan aðeins náð í eitt stig út úr þremur leikjum og markatala Akureyrarliðsins í þeim er 1-10.
Lokaleikur Þórsara í riðlinum er á móti botnliði Þróttar í næstu viku en Fjölnir spilar síðasta leikinn sinn á móti Leikni F. ekki fyrr en helgina eftir páska.
Skoraði tvisvar í eigið mark í sama leiknum

Tengdar fréttir

Davíð Þór vinnur fulla vinnu og æfir eins og atvinnumaður
Einn besti leikmaður Pepsi-deildar karla síðustu ár Davíð Þór Viðarsson, fyrirliði FH, lætur sig hafa það að vinna fulla vinnu með boltanum þrátt fyrir að FH-ingar æfi nánast eins og atvinnumenn.

Þróttur tapaði fyrir Leikni frá Fáskrúðsfirði
Það gengur hvorki né rekur hjá Pepsi-deildarliði Þróttar í undirbúningi liðsins fyrir sumarið.

Valsmenn á toppinn eftir sigur á ÍBV | Sjáðu mörkin
Guðjón Pétur Lýðsson og Nicolaj Hansen skoruðu í seinni hálfleik fyrir Valsara.

Gary skoraði á móti KR og Víkingar með fullt hús
Enski framherjinn skoraði í fyrsta leiknum á móti gömlu félögunum úr vesturbænum.

Verður fyrst spilað eftir nýju fótboltareglunum á Íslandi?
Gylfi Þór Orrrason, formaður dómaranefndar KSÍ, vonast til þess að nýjar fótboltareglurnar taki fyrst gildi á Íslandi en stór breyting var gerð á knattspyrnulögunum á dögunum.