Fyrsti dagur æfinga fyrir komandi tímabil í Formúlu 1 var í dag. Sebastian Vettel á Ferrari ók hraðast allra í dag.
Ríkjandi heimsmeistari, Lewis Hamilton ók lengst allra í dag eða 156 hringi á Mercedes bíl sínum. Hann var auk þess annar fljótastur um hálfri sekúndu á eftir Vettel. 156 hringir á Barselóna brautinni jafngilda tveimur keppnum.
Einungis einu sinni var rauðum flöggum veifað og æfingin stöðvuð tímabundið. Þá missti Romain Grosjean framvænginn undan Haas bíl sínum. Annars áttu nýliðarnir, ásamt öðrum frekar vandamálalausan dag.
Daniel Ricciardo á Red Bull varð þriðji og Valtteri Bottas á Williams fjórði.
McLaren vakti mikla athygli í dag, Jenson Button ók 85 hringi um brautina og náði sjötta besta tímanum. Á sama tíma í fyrra tókst Fernando Alonso aðeins að aka McLaren bílnum 6 hringi.
Ómögulegt er að segja nokkuð til um hvernig staða liðanna er á þessum tímapunkti, en ljóst er að ekkert lið er í stórkostlegum vandræðum með að halda bíl á brautinni. Nýliðarnir í Haas liðinu náðu að aka 31 hring, sem er býsna gott á fyrsta degi fyrir glænýtt Formúlu 1 lið.
Æfingar halda áfram á morgun og Vísir heldur áfram að fylgjast með.
Vettel fjótastur en Hamilton fór lengst
Tengdar fréttir
Myndband: McLaren frumsýnir 2016 bíl sinn
McLaren liðið í Formúlu 1 hefur birt myndir og myndband af 2016 bíl liðsins. Bíllinn ber heitið MP4-31.
Ferrari frumsýnir nýjan fák
Ferrari frumsýndi í dag nýjasta bíl sinn, sem fengið hefur yfirhalningu. Bíllinn verður keppnisbíll Ferrari í ár.
Myndband: Nico Rosberg um borð í nýja Mercedes bílnum
Mercedes liðið setti nýja Formúlu 1 bílinn sinn á braut í fyrsta skipti í gær. Hér má sjá myndband sem tekið var upp á myndavél á hjálmi Nico Rosberg, annars ökumanna liðsins.
Mercedes frumsýnir nýjan bíl
Mercedes hefur birt myndir af W07 bíl sínum. Bíllinn á að tryggja Mercedes þriðja heimsmeistaratitil bílasmiða og ökumanna í röð.
Frumsýningar í Formúlu 1
Formúlu 1 tímabilið hefst 18. mars næstkomandi, með föstudagsæfingum í Ástralíu. Fyrst fara fram æfingar og frumsýningar liðanna á nýjum bílum.
Myndband: McLaren setur í gang
McLaren og Honda endurnýjuðu kynni sín í Formúlu 1 fyrir síðasta tímabil. Árangurinn lét á sér standa og liðið náði aðeins í 27 stig og níunda sæti í keppni bílasmiða. Liðið ætlar að gera betur í ár.
