Stórsigur hjá strákunum hans Neville | Birkir og Ragnar í tapliðum

Fyrri leikjunum í 32 liða úrslitum Evrópudeildarinnar lauk í kvöld þar sem tveir Íslendingar voru í byrjunarliðum og þurftu báðir að sætta sig við tap með sínum liðum.

Birkir Bjarnason var í byrjunarliði Basel á móti Saint-Étienne, en svissnesku meistararnir lentu 2-0 undir. Þeir jöfnuðu leikinn í 2-2 en fengu svo á sig sigurmark, 3-2. Ragnar Sigurðsson stóð vaktina í vörn rússneska liðsins Krasnodar sem tapaði 1-0 á útivelli gegn Sparta Prag, en Ragnar og félagar eru ekki búnir að keppa mótsleik í margar vikur.

Eiður Smári Guðjohnsen var ekki í leikmannahópi Molde sem steinlá í Sevilla og Alfreð Finnbogason mátti ekki spila með Augsburg á móti Liverpool.

Gary Neville gat loks brosað sem þjálfari Valencia, en hans menn unnu 6-0 stórsigur á Rapid Vín frá Austurríki á Mestalla-vellinum í Valencia.

Hér að neðan má sjá úrslit kvöldsins og markaskorara:



Fiorentina - Tottenham 1-1

1-0 Nacer Chadli (37., víti), 1-1 Federico Bernardeschi (59.).

Dortmund - Porto 2-0

1-0 Lukasz Piszczek (6.), 2- 0 Marco Reus (71.).

Anderlecht - Olympiacos 1-0

1-0 Kara Mbodji (68.).

Midtjylland - Man. Utd 2-1

0-1 Memphis Depay (37.), 1-1 Pione Sisto (44.), 2-1 Paul Onuachu (77.)

Sevilla - Molde 3-0

1-0 Fernando Llorente (35.), 2-0 Fernando Llorente (49.), 3-0 Kevin Gameiro (72.).

Villareal - Napoli 1-0

1-0 Denis Suárez (82.).

Saint-Étienne - Basel 3-2

1-0 Bayal Sall (9.), 2-0 Kévin Monnet-Paquet (39.), 2-1 Walter Samuel (44.), 2-2 Marc Janko (56. víti), 3-2 Jean-Christophe Bahebeck (77.).

Valencia - Rapid Vín 5-0

1-0 Santi Mina (4.), 2-0 Daniel Parejo (10.), 3-0 Santi Mina (25.), 4-0 Álvaro Negredo (29.), 5-0 André Gomes (35.), 6-0 Rodrigo (90.)

Augsburg - Liverpool 0-0

Sparta Prag - Krasnodar 1-0

1-0 Lukas Julis (64.).

Galatasaray - Lazio  1-1

1-0 Sabri Arioglu (12.), 1-1 Sergej Milinkovic-Savic (21.).

Sion - Braga 1-2

0-1 Nikola Stojiljkovic (13.), 1-1 Pape Moussa Konaté (53.), 1-2 Rafa (61.).

Shakhtar Donetsk - Schalke 04 0-0

Marseille - Athletic Bilbao 0-1

0-1 Aritz Aduriz (54.).

Sporting - Leverkusen 0-1

0-1 Karim Bellarabi (26.).