Þar eru persónur eins og prinsinn og prinsessan enda hljómar orgelið dálítið konunglega,“ segir Guðný Einarsdóttir, organisti í Fella- og Hólakirkju, glaðlega þegar forvitnast er um efni tónævintýrsins Lítil saga úr orgelhúsi sem hún flytur ásamt Bergþóri Pálssyni söngvara, í dag klukkan 18.

„Það gengur á ýmsu á heimilinu og vandræðin aukast þegar ein söguhetjan ákveður að fara burt,“ lýsir hún og segir Bergþór segja söguna á mjög leikrænan hátt.
„Við Bergþór fórum að æfa fyrir svona þremur vikum og efnið verður alltaf meira og meira lifandi.“

Verkinu hefur þegar vakið áhuga víðsvegar um heim því sennilega er þetta í fyrsta skipti sem slíkt tónlistarævintýri er búið til fyrir orgel.
Lítil saga í orgelhúsi er liður í Barnamenningarhátíð Reykjavíkur.