Vill spila fyrir Ísland sem Íslendingur Tómas Þór Þórðarson skrifar 28. desember 2015 06:00 Diego Jóhannesson vill ólmur að komast í íslenska landsliðið og svo gæti farið að hann verði laus í vináttuleikina í janúar. vísir/Ernir „Ég hef aldrei búið á Íslandi en ég reyni að koma til Íslands eins oft og ég get. Síðast kom ég fyrir tveimur árum,“ segir Diego Jóhannesson, spænsk-íslenskur fótboltamaður sem spilar með Real Oviedo í 2. deildinni á Spáni, í viðtali við Fréttablaðið. Diego eyddi jólavikunni á Íslandi en hann fer af landi brott í dag. Diego var í heimsókn hjá föður sínum, Jóni Þór Jóhannessyni, en móðir hans er spænsk og býr rétt fyrir utan Gíjón. Jón flutti aftur heim fyrir nokkrum árum til að vinna þar sem atvinnuástandið á Spáni er ekki gott. „Ég ætlaði aldrei að koma heim. Ég er búinn að búa á Spáni síðan 1990. Ég fór nú bara til að leika mér eftir að ég kynntist konunni og við giftumst hér á Íslandi en ég varð bara eftir á Spáni,“ segir Jón. Diego er einn fjögurra bræðra sem Jón á með spænskri konu sinni en einn þeirra býr með Jóni hér á landi og vinnur með honum en Jón starfar við múrverk hér heima. Allir bræðurnir voru á einhverjum tímapunkti í fótbolta en Diego hefur náð langlengst.Nýtti tækifærið Diego byrjaði að æfa fótbolta fjögurra ára gamall með skólaliðinu Laviada en hann fór svo til Sporting Gíjon þremur árum síðar. Þar var hann í fjögur ár áður en hann fór til annars liðs í Gíjon en hann endaði svo hjá Real Oviedo 17 ára gamall. Hann er fæddur 1993. „Ég spilaði minn fyrsta leik fyrir varalið Oviedo fyrir fjórum árum en fékk svo fyrst tækifæri með aðalliðinu 3. september í fyrra. Núna spila ég alla leiki,“ segir Diego, en Real Oviedo er í þriðja sæti spænsku 2. deildarinnar og á möguleika á að spila með þeim bestu á næstu leiktíð. Diego spilaði þrettán leiki í deild og bikar á síðustu leiktíð og er nú búinn að spila níu leiki í röð fyrir Oviedo eftir að hann fékk aftur tækifæri í lok október. Hann var ekki inni í myndinni hjá þjálfara liðsins fyrir tímabilið en nýtti sitt tækifæri mjög vel þegar það kom. „Það var hægri bakvörður keyptur fyrir tímabilið sem meiddist og varamaðurinn fyrir hann meiddist líka. Þá var leitað niður í B-liðið og ég færður upp. Síðan þá hefur mér gengið vel,“ segir Diego, en hann er búinn að slá hina tvo út úr liðinu. „Þeir eru ekki meiddir lengur en ég hef haldið sætinu í byrjunarliðinu sem ég er þakklátur fyrir. Ég hef traust þjálfarans og ætla að halda áfram að reyna að nýta mitt tækifæri,“ segir Diego.Tungumálið vandamál Diego hefur ekki farið leynt með áhuga sinn á að spila fyrir íslenska landsliðið í viðtölum að undanförnu og það hefur ekkert breyst. „Mig langar mjög mikið að spila fyrir Ísland en það er erfitt því það eru svo margir góðir leikmenn í íslenska liðinu,“ segir hann. „Ég sá alla leiki liðsins í undankeppni EM því mér finnst mjög gaman að horfa á íslenska liðið spila. Heimir Hallgrímsson, annar landsliðsþjálfara Íslands, hefur allt annað en gefið Diego undir fótinn þegar hann hefur verið spurður út í spænska Íslendinginn að undanförnu og meðal annars sagt að Diego verði að vera þeim mun betri en aðrir leikmenn liðsins þar sem hann talar ekki íslensku. Tungumálið er vandamál hjá Diego því hann talar litla sem enga íslensku og þá er enskan hans mjög slæm. Faðir hans túlkaði stærstan hluta viðtalsins þegar blaðamaður settist niður með þeim feðgum í gær. „Ég skil afstöðu Heimis og veit líka alveg að það eru leikmenn á undan mér. Þessi viðbrögð komu mér ekkert á óvart. Ég ætla að reyna að fara að læra íslensku en það tekur sinn tíma. Ef þetta er eitthvað sem skiptir máli þá skil ég það alveg,“ segir Diego. Þegar faðir hans benti Diego svo í léttum tóni á að Lars Lagerbäck talar ekki íslensku gat strákurinn ungi ekki annað en brosað út í annað.Gæti spilað í janúar Diego langar með íslenska landsliðinu á EM en tíminn er naumur til að komast í liðið. Strákarnir okkar spila þrjá vináttuleiki í janúar sem eru á óopinberum leikdögum en Oviedo á leiki á sama tíma. Eftir það eru svo bara þrír leikir eftir fram að móti og hingað til hafa Lars og Heimir verið ansi fastheldnir á hópinn. „Það gæti verið að Real Oviedo leyfði mér að spila með landsliðinu í janúar. Þetta er bara ekki komið í farveg. Ég hef ekki rætt þetta við liðið og er því ekki alveg klár á þessu en ég útiloka ekki að fá leyfi til að spila einhverja af leikjunum í janúar ef ég fengi tækifæri til,“ segir Diego. Diego viðurkennir fúslega að það myndi hjálpa ferli hans mikið að komast í íslenska landsliðið en hann segist alls ekki vera að hugsa um eigin hagsmuni. „Ég vil spila fyrir Ísland sem Íslendingur. Ég er ekki að hugsa um mig. Mig langar bara mjög mikið að spila fyrir Ísland. Auðvitað hjálpar það mér samt ef ég fæ tækifæri. Það yrði mjög gott fyrir mig og minn feril en fyrst og fremst vil ég bara spila fyrir Ísland,“ segir Diego.Elskar hangikjöt Diego kom úr hitanum á Spáni í kuldann á Íslandi á mánudaginn fyrir viku og hefur notið lífsins með föður sínum og bróður sem búa hér á landi. „Það var alveg fimm tíma seinkun á fluginu en þetta hefur verið gaman,“ segir hann. „Ég fór í sund með bróður mínum. Við erum búnir að vera saman allan tímann. Við fórum í skoðunarferð um Reykjavík og kíktum á Tjörnina svo erum við búnir að taka mikið af myndum,“ segir Diego og auðvitað borðaði hann íslenska jólamatinn sem honum þykir mjög góður. „Ég borðaði hamborgarhrygg og hangikjöt. Ég elska hangikjöt. Svo fórum við á vélsleða upp og niður fjöll á jóladag að leika okkur í miklum kulda. Þetta er búin að vera góð ferð,“ segir Diego Jóhannesson. EM 2016 í Frakklandi Mest lesið Fluga hjálpaði kúlunni ofan í holuna Golf Langri bið Sveindísar lauk með sætum sigri á meisturunum Fótbolti Fengu milljóna sekt eftir ólætin á Íslandi Fótbolti Fyrsti homminn í landsliði neyðist til að hætta Fótbolti Meiddist alvarlega hjá sjúkraþjálfaranum Fótbolti Grét í viku þegar Arsenal vildi hann ekki en sama félag borgar nú marga milljarða Enski boltinn Brotnaði saman þegar hann bar liðsfélögum tíðindin Körfubolti Bjarki Gunnlaugs spáir því að Liverpool landi Isak eftir Newcastle leikinn Enski boltinn „Lukkudýrið“ í mál við félagið Körfubolti Segir slagsmálin í klefanum hafa verið ofbeldisfull og ofsafenginn Fótbolti Fleiri fréttir „Ég vil hundrað prósent sjá hann aftur í Newcastle-treyju“ Fyrsti homminn í landsliði neyðist til að hætta „Stór og merkilegur viðburður fyrir okkur“ Fengu milljóna sekt eftir ólætin á Íslandi Grét í viku þegar Arsenal vildi hann ekki en sama félag borgar nú marga milljarða Langri bið Sveindísar lauk með sætum sigri á meisturunum Meiddist alvarlega hjá sjúkraþjálfaranum Grófu sig undir girðingu og stálu milljónum frá félaginu Segir slagsmálin í klefanum hafa verið ofbeldisfull og ofsafenginn Bjarki Gunnlaugs spáir því að Liverpool landi Isak eftir Newcastle leikinn „Vilji, kraftur, ákveðni og hugarfar hjá mínum stelpum“ Arna Eiríksdóttir: „Við töpuðum tveimur stigum í dag“ „Djöfull er gaman að vinna loksins aftur“ Nú fengu Blikabanarnir stóran skell Logi og Albert skoruðu báðir í Evrópu í kvöld Uppgjörið: Breiðablik - Virtus 2-1 | Blikar bara einu marki yfir Uppgjör og vitöl: Stjarnan-FH 2-2 | FH að missa Blikana frá sér Uppgjör: Þór/KA-FHL 4-0 | Norðankonur í stuði á móti botnliðinu Varamaðurinn reddaði málunum fyrir Frey í blálokin Elías Rafn lokaði markinu og Midtjylland í frábærum málum Ný dýrasta knattspyrnukona heims Tottenham beinir sjónum sínum að besta unga leikmanninum Telur X-faktorinn Eze vera púslið sem Arsenal vantaði „Við erum ekki undir neinni pressu“ Horsens vill fá Guðlaug Victor „Hefur ekki tíma til að fara of langt niður“ Frimpong strax úr leik hjá Liverpool Leeds kaupir Okafor og liðin í ensku úrvalsdeildinni aldrei eytt meiru Fá góðar fréttir fyrir stærsta leik í sögu félagsins „Af hverju er Tómas Orri ekki að að spila í Breiðabliki?“ Sjá meira
„Ég hef aldrei búið á Íslandi en ég reyni að koma til Íslands eins oft og ég get. Síðast kom ég fyrir tveimur árum,“ segir Diego Jóhannesson, spænsk-íslenskur fótboltamaður sem spilar með Real Oviedo í 2. deildinni á Spáni, í viðtali við Fréttablaðið. Diego eyddi jólavikunni á Íslandi en hann fer af landi brott í dag. Diego var í heimsókn hjá föður sínum, Jóni Þór Jóhannessyni, en móðir hans er spænsk og býr rétt fyrir utan Gíjón. Jón flutti aftur heim fyrir nokkrum árum til að vinna þar sem atvinnuástandið á Spáni er ekki gott. „Ég ætlaði aldrei að koma heim. Ég er búinn að búa á Spáni síðan 1990. Ég fór nú bara til að leika mér eftir að ég kynntist konunni og við giftumst hér á Íslandi en ég varð bara eftir á Spáni,“ segir Jón. Diego er einn fjögurra bræðra sem Jón á með spænskri konu sinni en einn þeirra býr með Jóni hér á landi og vinnur með honum en Jón starfar við múrverk hér heima. Allir bræðurnir voru á einhverjum tímapunkti í fótbolta en Diego hefur náð langlengst.Nýtti tækifærið Diego byrjaði að æfa fótbolta fjögurra ára gamall með skólaliðinu Laviada en hann fór svo til Sporting Gíjon þremur árum síðar. Þar var hann í fjögur ár áður en hann fór til annars liðs í Gíjon en hann endaði svo hjá Real Oviedo 17 ára gamall. Hann er fæddur 1993. „Ég spilaði minn fyrsta leik fyrir varalið Oviedo fyrir fjórum árum en fékk svo fyrst tækifæri með aðalliðinu 3. september í fyrra. Núna spila ég alla leiki,“ segir Diego, en Real Oviedo er í þriðja sæti spænsku 2. deildarinnar og á möguleika á að spila með þeim bestu á næstu leiktíð. Diego spilaði þrettán leiki í deild og bikar á síðustu leiktíð og er nú búinn að spila níu leiki í röð fyrir Oviedo eftir að hann fékk aftur tækifæri í lok október. Hann var ekki inni í myndinni hjá þjálfara liðsins fyrir tímabilið en nýtti sitt tækifæri mjög vel þegar það kom. „Það var hægri bakvörður keyptur fyrir tímabilið sem meiddist og varamaðurinn fyrir hann meiddist líka. Þá var leitað niður í B-liðið og ég færður upp. Síðan þá hefur mér gengið vel,“ segir Diego, en hann er búinn að slá hina tvo út úr liðinu. „Þeir eru ekki meiddir lengur en ég hef haldið sætinu í byrjunarliðinu sem ég er þakklátur fyrir. Ég hef traust þjálfarans og ætla að halda áfram að reyna að nýta mitt tækifæri,“ segir Diego.Tungumálið vandamál Diego hefur ekki farið leynt með áhuga sinn á að spila fyrir íslenska landsliðið í viðtölum að undanförnu og það hefur ekkert breyst. „Mig langar mjög mikið að spila fyrir Ísland en það er erfitt því það eru svo margir góðir leikmenn í íslenska liðinu,“ segir hann. „Ég sá alla leiki liðsins í undankeppni EM því mér finnst mjög gaman að horfa á íslenska liðið spila. Heimir Hallgrímsson, annar landsliðsþjálfara Íslands, hefur allt annað en gefið Diego undir fótinn þegar hann hefur verið spurður út í spænska Íslendinginn að undanförnu og meðal annars sagt að Diego verði að vera þeim mun betri en aðrir leikmenn liðsins þar sem hann talar ekki íslensku. Tungumálið er vandamál hjá Diego því hann talar litla sem enga íslensku og þá er enskan hans mjög slæm. Faðir hans túlkaði stærstan hluta viðtalsins þegar blaðamaður settist niður með þeim feðgum í gær. „Ég skil afstöðu Heimis og veit líka alveg að það eru leikmenn á undan mér. Þessi viðbrögð komu mér ekkert á óvart. Ég ætla að reyna að fara að læra íslensku en það tekur sinn tíma. Ef þetta er eitthvað sem skiptir máli þá skil ég það alveg,“ segir Diego. Þegar faðir hans benti Diego svo í léttum tóni á að Lars Lagerbäck talar ekki íslensku gat strákurinn ungi ekki annað en brosað út í annað.Gæti spilað í janúar Diego langar með íslenska landsliðinu á EM en tíminn er naumur til að komast í liðið. Strákarnir okkar spila þrjá vináttuleiki í janúar sem eru á óopinberum leikdögum en Oviedo á leiki á sama tíma. Eftir það eru svo bara þrír leikir eftir fram að móti og hingað til hafa Lars og Heimir verið ansi fastheldnir á hópinn. „Það gæti verið að Real Oviedo leyfði mér að spila með landsliðinu í janúar. Þetta er bara ekki komið í farveg. Ég hef ekki rætt þetta við liðið og er því ekki alveg klár á þessu en ég útiloka ekki að fá leyfi til að spila einhverja af leikjunum í janúar ef ég fengi tækifæri til,“ segir Diego. Diego viðurkennir fúslega að það myndi hjálpa ferli hans mikið að komast í íslenska landsliðið en hann segist alls ekki vera að hugsa um eigin hagsmuni. „Ég vil spila fyrir Ísland sem Íslendingur. Ég er ekki að hugsa um mig. Mig langar bara mjög mikið að spila fyrir Ísland. Auðvitað hjálpar það mér samt ef ég fæ tækifæri. Það yrði mjög gott fyrir mig og minn feril en fyrst og fremst vil ég bara spila fyrir Ísland,“ segir Diego.Elskar hangikjöt Diego kom úr hitanum á Spáni í kuldann á Íslandi á mánudaginn fyrir viku og hefur notið lífsins með föður sínum og bróður sem búa hér á landi. „Það var alveg fimm tíma seinkun á fluginu en þetta hefur verið gaman,“ segir hann. „Ég fór í sund með bróður mínum. Við erum búnir að vera saman allan tímann. Við fórum í skoðunarferð um Reykjavík og kíktum á Tjörnina svo erum við búnir að taka mikið af myndum,“ segir Diego og auðvitað borðaði hann íslenska jólamatinn sem honum þykir mjög góður. „Ég borðaði hamborgarhrygg og hangikjöt. Ég elska hangikjöt. Svo fórum við á vélsleða upp og niður fjöll á jóladag að leika okkur í miklum kulda. Þetta er búin að vera góð ferð,“ segir Diego Jóhannesson.
EM 2016 í Frakklandi Mest lesið Fluga hjálpaði kúlunni ofan í holuna Golf Langri bið Sveindísar lauk með sætum sigri á meisturunum Fótbolti Fengu milljóna sekt eftir ólætin á Íslandi Fótbolti Fyrsti homminn í landsliði neyðist til að hætta Fótbolti Meiddist alvarlega hjá sjúkraþjálfaranum Fótbolti Grét í viku þegar Arsenal vildi hann ekki en sama félag borgar nú marga milljarða Enski boltinn Brotnaði saman þegar hann bar liðsfélögum tíðindin Körfubolti Bjarki Gunnlaugs spáir því að Liverpool landi Isak eftir Newcastle leikinn Enski boltinn „Lukkudýrið“ í mál við félagið Körfubolti Segir slagsmálin í klefanum hafa verið ofbeldisfull og ofsafenginn Fótbolti Fleiri fréttir „Ég vil hundrað prósent sjá hann aftur í Newcastle-treyju“ Fyrsti homminn í landsliði neyðist til að hætta „Stór og merkilegur viðburður fyrir okkur“ Fengu milljóna sekt eftir ólætin á Íslandi Grét í viku þegar Arsenal vildi hann ekki en sama félag borgar nú marga milljarða Langri bið Sveindísar lauk með sætum sigri á meisturunum Meiddist alvarlega hjá sjúkraþjálfaranum Grófu sig undir girðingu og stálu milljónum frá félaginu Segir slagsmálin í klefanum hafa verið ofbeldisfull og ofsafenginn Bjarki Gunnlaugs spáir því að Liverpool landi Isak eftir Newcastle leikinn „Vilji, kraftur, ákveðni og hugarfar hjá mínum stelpum“ Arna Eiríksdóttir: „Við töpuðum tveimur stigum í dag“ „Djöfull er gaman að vinna loksins aftur“ Nú fengu Blikabanarnir stóran skell Logi og Albert skoruðu báðir í Evrópu í kvöld Uppgjörið: Breiðablik - Virtus 2-1 | Blikar bara einu marki yfir Uppgjör og vitöl: Stjarnan-FH 2-2 | FH að missa Blikana frá sér Uppgjör: Þór/KA-FHL 4-0 | Norðankonur í stuði á móti botnliðinu Varamaðurinn reddaði málunum fyrir Frey í blálokin Elías Rafn lokaði markinu og Midtjylland í frábærum málum Ný dýrasta knattspyrnukona heims Tottenham beinir sjónum sínum að besta unga leikmanninum Telur X-faktorinn Eze vera púslið sem Arsenal vantaði „Við erum ekki undir neinni pressu“ Horsens vill fá Guðlaug Victor „Hefur ekki tíma til að fara of langt niður“ Frimpong strax úr leik hjá Liverpool Leeds kaupir Okafor og liðin í ensku úrvalsdeildinni aldrei eytt meiru Fá góðar fréttir fyrir stærsta leik í sögu félagsins „Af hverju er Tómas Orri ekki að að spila í Breiðabliki?“ Sjá meira