Sjálfakandi Volvo 2017

Bílaframleiðandinn Volvo segist stefna að því að koma sjálfkeyrandi bíl á markað eftir tvö ár. Ef áætlanir ganga eftir mun bíll Volvo þá vera kominn á markað á undan sjálfkeyrandi bílum Google og Ford.

Volvo kynnti bílinn, sem hefur fengið nafnið Concept 26, í vikunni. Nafnið vísar til þess að meðalmaður eyði 26 mínútum í að keyra til vinnu á hverjum degi. Birtar voru myndir af bílnum að innan, en engar myndir að utan, til þess að undirstrika upplifunina á því að sitja eða keyra bílnum. Að innan lítur bíllin frekar út eins og sætaröð í business class í flugvél en hefðbundinn fólksbíll.

Þegar stutt er á sjálkeyrandi stillinguna hverfur stýrið og í staðinn kemur upp skjár. Þá getur eigandinn horft á uppáhalds þætti sína eða kvikmyndir á meðan á akstrinum stendur.

Sjálfkeyrandi bíll Google er ekki væntanlegur fyrr en árið 2020. Ford segir sinn bíl ekki tilbúinn fyrr en eftir fjögur ár. Ef áætlanir standast verður Volvo með fyrsta sjálfkeyrandi bílinn á götunni.