Umfjöllun og viðtöl: Haukar - Grótta 25-18 | Sjötti sigur Hauka í röð Ingvi Þór Sæmundsson skrifar 26. nóvember 2015 21:45 Adam Haukur Baumruk skoraði fjögur mörk í leiknum. vísir/stefán Haukar báru sigurorð af Gróttu, 25-18, í heldur rislitlum leik í 15. umferð Olís-deildar karla í kvöld. Þetta var sjötti sigur Hauka í röð en Íslandsmeistararnir eru með tveggja stiga forskot á Val á toppi deildarinnar. Þeir eiga auk þess leik til góða á Valsmenn. Grótta hefur hins vegar tapað tveimur leikjum í röð og er í 6. sæti deildarinnar. Haukar byrjuðu leikinn betur og eftir fjögurra mínútna leik var staðan 3-1, þeim í vil. Gróttumenn tóku þá við sér, skoruðu fjögur mörk í röð og komust tveimur mörkum yfir, 3-5. Varnarleikur gestanna var sterkur og Lárus Helgi Ólafsson varði vel í markinu. Í sókninni fór Daði Laxdal Gautason hamförum en hann skoraði fjögur fyrstu mörk Gróttu í leiknum og alls sex af átta mörkum liðsins í fyrri hálfleik. Aðrir voru fjarri sínu besta. Viggó Kristjánsson var t.a.m. afar lítill í sér í kvöld, tók léleg skot og tapaði boltanum klaufalega. Aron Dagur Pálsson var sömuleiðis slakur og skoraði ekki mark. Þá fóru hornabræðurnir Finnur Ingi og Júlíus Þórir Stefánssynir og Guðni Ingvarsson á línunni illa með nokkur dauðafæri. Giedrius Morkunas var að venju góður í marki Hauka en hann varði 11 skot í fyrri hálfleik (58%). Lárus stóð honum lítt að baki en hann varði 12 af þeim 23 skotum sem hann fékk á sig (52%). Í stöðunni 3-5 tók Gunnar Magnússon, þjálfari Hauka, leikhlé og messaði yfir sínum mönnum. Það virtist kveikja í Haukaliðinu sem fékk aðeins á sig þrjú mörk á síðustu 18 mínútum fyrri hálfleik. Sóknarleikur Hauka var ekkert sérstakur en þeir náðu þó að skora 11 mörk og leiddu með þremur mörkum í hálfleik, 11-8. Aðeins þrír leikmenn Gróttu komust á blað í fyrri hálfleiknum en sjö hjá Haukum. Haukarnir voru mun sterkari aðilinn í seinni hálfleik og það var lítil spurning hvorum megin sigurinn myndi enda. Heimamenn voru reyndar ekkert að flýta sér að klára leikinn og Seltirningar voru inni í honum allt þar til um 10 mínútur voru eftir. Þeir virtust þó aldrei hafa trú á því að þeir gætu tekið stig úr leiknum. Sóknarleikur Gróttu var slakur og Giedrius hélt áfram að verja vel. Haukunum gekk einnig betur að verjast Daða en hann skoraði aðeins tvö mörk í seinni hálfleik og skotnýting hans hrapaði niður. Haukarnir bættu jafnt og þétt við forskotið og náðu mest níu marka forskoti, 25-16. Á endanum munaði sjö mörkum á liðunum, 25-18. Brynjólfur Snær Brynjólfsson og Einar Pétur Pétursson voru markahæstir í liði Hauka með fimm mörk hvor en alls komust níu leikmenn liðsins á blað í leiknum. Giedrius varði 20 skot í markinu (56%). Daði var langatkvæðamestur í liði Gróttu með átta mörk en Seltirningar söknuðu sárlega framlags frá fleirum í kvöld. Lárus varði alls 15 skot í leiknum (44%). Gunnar Magnússon: Erum einum leik frá riðlakeppninni Gunnar Magnússon, þjálfari Hauka, var sáttur með sigurinn á Gróttu í kvöld. Haukar voru á hælunum í byrjun leiks en náðu undirtökunum um miðjan fyrri hálfleik og létu þau ekki af hendi það sem eftir lifði leiks. "Við vorum svolítið þungir í dag en gerðum það sem við þurftum," sagði Gunnar. "Við vorum með góða stjórn á leiknum í seinni hálfleik og kláruðum þetta. Það er alltaf erfitt að mæta Gróttu en ég er ánægður með strákana, þeir gerðu það sem til þurfti." Haukar voru í vandræðum með að verjast Daða Laxdal Gautasyni í fyrri hálfleik en hann skoraði þá sex af átta mörkum Gróttu. Heimamönnum gekk betur að eiga við hann í seinni hálfleik þar sem Daði skoraði aðeins tvö mörk. "Við náðum að loka betur á hann í seinni hálfleik. Hann skoraði eitthvað en fór með nokkrar sóknir á móti. "Við þéttum í kringum hann í seinni hálfleik og stilltum vörnina betur," sagði Gunnar sem viðurkennir að hafa verið smeykur fyrir leikinn í kvöld, sem er á milli Evrópuleikjanna gegn Saint Raphael. "Ég var skíthræddur fyrir þennan leik, það er alltaf erfitt að spila milli Evrópuleikja. Þetta eru erfiðir leikir sem margir hafa flaskað á," sagði Gunnar sem telur Hauka eiga fína möguleika í Frakklandi á sunnudaginn. "Við förum út til að reyna að vinna og komast áfram," sagði Gunnar en Saint Raphael er með eins marks forskot eftir fyrri leikinn. "Þetta er opið einvígi og við erum einum leik frá því að komast í riðlakeppnina. Þannig lít ég á þetta. Við ætlum að undirbúa okkur vel og gefa allt í þetta," sagði Gunnar að lokum. Gunnar Andrésson: Fórum illa með færin okkar Gunnar Andrésson, þjálfari Gróttu, sá ýmislegt jákvætt í spilamennsku Seltirninga í fyrri hálfleiknum gegn Íslandsmeisturum Hauka í kvöld. "Það var margt jákvætt í fyrri hálfleiknum," sagði Gunnar en Haukar leiddu með þremur mörkum að honum loknum, 11-8. "Við fórum illa með færin okkar og hefðum átt að vera með betri stöðu í hálfleik. Hann tók ansi mörg dauðafæri," bætti Gunnar við og átti þar við Giedrius Morkunas, markvörð Hauka, sem varði 20 skot í leiknum. "Við vorum klaufar að vera ekki með betri stöðu eftir fyrri hálfleikinn en sá seinni var frekar lélegur af okkar hálfu. "Við gáfumst upp undir lokin og litum ansi illa út síðustu 10 mínúturnar," sagði Gunnar sem sá sóknarfæri fyrir leikinn gegn Haukaliði sem stendur í ströngu í EHF-bikarnum þessa dagana. "Jájá, ég var að vonast til að þeir yrðu með hugann við þetta Evrópuverkefni og við ætluðum að nýta okkur það. En það tókst ekki. "Það vantaði aðeins meiri trú og getu til að klára þetta verkefni," sagði Gunnar að endingu. Olís-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Marlena er sigurvegari Bakgarðshlaupsins Sport Refsing fyrir að blóta gæti flýtt fyrir því að Verstappen hætti Formúla 1 Liðsfélagi Arnórs með bitför eftir andstæðing Fótbolti Sögulegur dagur er Thelma sópaði til sín gullverðlaunum Sport Arteta vildi ekki tjá sig um rauða spjaldið Fótbolti Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn „Hún var frábær eiginkona, mögnuð móðir sem og amma“ Fótbolti Atlético Madrid gerði enn eitt jafnteflið Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Haukar báru sigurorð af Gróttu, 25-18, í heldur rislitlum leik í 15. umferð Olís-deildar karla í kvöld. Þetta var sjötti sigur Hauka í röð en Íslandsmeistararnir eru með tveggja stiga forskot á Val á toppi deildarinnar. Þeir eiga auk þess leik til góða á Valsmenn. Grótta hefur hins vegar tapað tveimur leikjum í röð og er í 6. sæti deildarinnar. Haukar byrjuðu leikinn betur og eftir fjögurra mínútna leik var staðan 3-1, þeim í vil. Gróttumenn tóku þá við sér, skoruðu fjögur mörk í röð og komust tveimur mörkum yfir, 3-5. Varnarleikur gestanna var sterkur og Lárus Helgi Ólafsson varði vel í markinu. Í sókninni fór Daði Laxdal Gautason hamförum en hann skoraði fjögur fyrstu mörk Gróttu í leiknum og alls sex af átta mörkum liðsins í fyrri hálfleik. Aðrir voru fjarri sínu besta. Viggó Kristjánsson var t.a.m. afar lítill í sér í kvöld, tók léleg skot og tapaði boltanum klaufalega. Aron Dagur Pálsson var sömuleiðis slakur og skoraði ekki mark. Þá fóru hornabræðurnir Finnur Ingi og Júlíus Þórir Stefánssynir og Guðni Ingvarsson á línunni illa með nokkur dauðafæri. Giedrius Morkunas var að venju góður í marki Hauka en hann varði 11 skot í fyrri hálfleik (58%). Lárus stóð honum lítt að baki en hann varði 12 af þeim 23 skotum sem hann fékk á sig (52%). Í stöðunni 3-5 tók Gunnar Magnússon, þjálfari Hauka, leikhlé og messaði yfir sínum mönnum. Það virtist kveikja í Haukaliðinu sem fékk aðeins á sig þrjú mörk á síðustu 18 mínútum fyrri hálfleik. Sóknarleikur Hauka var ekkert sérstakur en þeir náðu þó að skora 11 mörk og leiddu með þremur mörkum í hálfleik, 11-8. Aðeins þrír leikmenn Gróttu komust á blað í fyrri hálfleiknum en sjö hjá Haukum. Haukarnir voru mun sterkari aðilinn í seinni hálfleik og það var lítil spurning hvorum megin sigurinn myndi enda. Heimamenn voru reyndar ekkert að flýta sér að klára leikinn og Seltirningar voru inni í honum allt þar til um 10 mínútur voru eftir. Þeir virtust þó aldrei hafa trú á því að þeir gætu tekið stig úr leiknum. Sóknarleikur Gróttu var slakur og Giedrius hélt áfram að verja vel. Haukunum gekk einnig betur að verjast Daða en hann skoraði aðeins tvö mörk í seinni hálfleik og skotnýting hans hrapaði niður. Haukarnir bættu jafnt og þétt við forskotið og náðu mest níu marka forskoti, 25-16. Á endanum munaði sjö mörkum á liðunum, 25-18. Brynjólfur Snær Brynjólfsson og Einar Pétur Pétursson voru markahæstir í liði Hauka með fimm mörk hvor en alls komust níu leikmenn liðsins á blað í leiknum. Giedrius varði 20 skot í markinu (56%). Daði var langatkvæðamestur í liði Gróttu með átta mörk en Seltirningar söknuðu sárlega framlags frá fleirum í kvöld. Lárus varði alls 15 skot í leiknum (44%). Gunnar Magnússon: Erum einum leik frá riðlakeppninni Gunnar Magnússon, þjálfari Hauka, var sáttur með sigurinn á Gróttu í kvöld. Haukar voru á hælunum í byrjun leiks en náðu undirtökunum um miðjan fyrri hálfleik og létu þau ekki af hendi það sem eftir lifði leiks. "Við vorum svolítið þungir í dag en gerðum það sem við þurftum," sagði Gunnar. "Við vorum með góða stjórn á leiknum í seinni hálfleik og kláruðum þetta. Það er alltaf erfitt að mæta Gróttu en ég er ánægður með strákana, þeir gerðu það sem til þurfti." Haukar voru í vandræðum með að verjast Daða Laxdal Gautasyni í fyrri hálfleik en hann skoraði þá sex af átta mörkum Gróttu. Heimamönnum gekk betur að eiga við hann í seinni hálfleik þar sem Daði skoraði aðeins tvö mörk. "Við náðum að loka betur á hann í seinni hálfleik. Hann skoraði eitthvað en fór með nokkrar sóknir á móti. "Við þéttum í kringum hann í seinni hálfleik og stilltum vörnina betur," sagði Gunnar sem viðurkennir að hafa verið smeykur fyrir leikinn í kvöld, sem er á milli Evrópuleikjanna gegn Saint Raphael. "Ég var skíthræddur fyrir þennan leik, það er alltaf erfitt að spila milli Evrópuleikja. Þetta eru erfiðir leikir sem margir hafa flaskað á," sagði Gunnar sem telur Hauka eiga fína möguleika í Frakklandi á sunnudaginn. "Við förum út til að reyna að vinna og komast áfram," sagði Gunnar en Saint Raphael er með eins marks forskot eftir fyrri leikinn. "Þetta er opið einvígi og við erum einum leik frá því að komast í riðlakeppnina. Þannig lít ég á þetta. Við ætlum að undirbúa okkur vel og gefa allt í þetta," sagði Gunnar að lokum. Gunnar Andrésson: Fórum illa með færin okkar Gunnar Andrésson, þjálfari Gróttu, sá ýmislegt jákvætt í spilamennsku Seltirninga í fyrri hálfleiknum gegn Íslandsmeisturum Hauka í kvöld. "Það var margt jákvætt í fyrri hálfleiknum," sagði Gunnar en Haukar leiddu með þremur mörkum að honum loknum, 11-8. "Við fórum illa með færin okkar og hefðum átt að vera með betri stöðu í hálfleik. Hann tók ansi mörg dauðafæri," bætti Gunnar við og átti þar við Giedrius Morkunas, markvörð Hauka, sem varði 20 skot í leiknum. "Við vorum klaufar að vera ekki með betri stöðu eftir fyrri hálfleikinn en sá seinni var frekar lélegur af okkar hálfu. "Við gáfumst upp undir lokin og litum ansi illa út síðustu 10 mínúturnar," sagði Gunnar sem sá sóknarfæri fyrir leikinn gegn Haukaliði sem stendur í ströngu í EHF-bikarnum þessa dagana. "Jájá, ég var að vonast til að þeir yrðu með hugann við þetta Evrópuverkefni og við ætluðum að nýta okkur það. En það tókst ekki. "Það vantaði aðeins meiri trú og getu til að klára þetta verkefni," sagði Gunnar að endingu.
Olís-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Marlena er sigurvegari Bakgarðshlaupsins Sport Refsing fyrir að blóta gæti flýtt fyrir því að Verstappen hætti Formúla 1 Liðsfélagi Arnórs með bitför eftir andstæðing Fótbolti Sögulegur dagur er Thelma sópaði til sín gullverðlaunum Sport Arteta vildi ekki tjá sig um rauða spjaldið Fótbolti Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn „Hún var frábær eiginkona, mögnuð móðir sem og amma“ Fótbolti Atlético Madrid gerði enn eitt jafnteflið Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn
Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn