Haukar komust áfram í EHF bikarnum eftir frábæran sigur

Haukar komust áfram í undankeppni EHF-bikarsins í handbolta í dag eftir 26-20 sigur á ítalska félaginu SSV Bozen Loacker á Ítalíu í dag.

Haukar unnu einvígið þrátt fyrir að því hafi lokið 50-50 en Hafnfirðingar skoruðu fleiri mörk í leiknum sem þeir voru skráðir á útivelli. Fóru báðir leikirnir fram á heimavelli Bozen í Ítalíu.

Haukar leiddu í hálfleik 15-10 og náðu að bæta við markinu sem til þurfti í seinni hálfleik sem tryggði sætið í næstu umferð. Kom sigurmarkið af vítalínunni þegar skammt var eftir.

Hægt er að sjá í myndaalbúminu hér fyrir ofan myndir sem Eva Björk Ægisdóttir tók í leiknum í dag.