„Ég er bara mjög spenntur fyrir þessum leik, hann leggst vel í mig,“ sagði Elías Már Ómarsson, leikmaður Valerenga og íslenska U21 árs landsliðsins, í samtali við Valtý Björn í kvöldfréttum Stöðvar 2 í gær.
„Þeir eru með sterkt landslið en við erum með það líka svo ég á von á erfiðum leik. Við gerum okkar besta og reynum að ná í þrjú stig.“
Elías sagði að þeir bæru virðingu fyrir andstæðingnum á morgun.
„Það er alltaf virðing í fótbolta en við getum ekki sýnt þeim neina virðingu í leiknum. Ég veit ekki hversu mikla virðingu þeir bera fyrir okkur.“
Elías sagði að sigur landsliðsins á Hollandi hefði kveikt í mönnum.
„Ég veit ekki hvort þeir horfðu á hann en við horfðum á hann og það kveikti í mönnum fyrir þennan leik. Við viljum ná jafn góðum árangri og þeir.“
Elías Már: Getum ekki borið virðingu fyrir franska liðinu
Tengdar fréttir

Hjörtur: Hollendingar þurftu að gleypa stóran og sveittan sokk
Hjörtur stráði salti í sárin hjá meðal annars Ruud Van Nistelrooy eftir 1-0 sigur Íslands á Hollandi í gær en hann segir íslensku U21 árs strákanna tilbúna í leikinn gegn Frökkum á morgun

Umfjöllun og viðtöl: Ísland - Frakkland 3-2 | Strákarnir með fullt hús stiga eftir frábæran sigur
Íslenska landsliðið skipað leikmönnum undir 21 árs aldri vann frækinn 3-2 sigur á Frakklandi á Kópavogsvelli í kvöld en eftir leikinn er Ísland með fullt hús stiga á toppi riðils 3.