„Bíllinn var frábær, áhorfendur hafa verið ótrúlegir alla helgina. Þetta var bara surning um að passa upp á dekkin og passa sig á Nico,“ sagi Hamilton á verðlaunapallinum.
„Ég klúðraði ræsingunni, sem var vesen. Ég eltist við Lewis alla keppnina en gat ekki náð honum,“ sagði Nico Rosberg á verðlaunapallinum.
„Ég átti frábæra tímatöku og góða keppni. Það er sérstakt að standa hér, ég átti góða ræsingu þrátt fyrir að ræsingin 2012 komi alltaf upp í hugann þegar ég er á ráslínunni hér,“ sagði Romain Grosjean á verðlaunapallinum. Hann batt endi á keppni margra með því að lenda í árekstri í ræsingu á Spa 2012.
„Það er langt síðan við náðum verðlaunum síðast. Það er gott að geta sett peningavændræðin í pásu og njóta augnabliksins. Við hefðum geta reynt fram úr akstur á Vettel ef dekkið hefði ekki sprungið. Við höfum átt afar erfitt tímabil og þetta er mikið afrek,“ sagði Alan Permane, keppnisstjóri Lotus. Bílar liðsins hafa verið kyrrsettir þangað til einhverjir rekningar verða greiddir. Permane sagðist vona að það gerist snemma í næstu viku og að liðið geti mætt til Monza.
„Lewis og Nico stóðu sig vel ásamt öllum öðrum í liðinu. Mercedes hefur snúið aftur eftir erfiða helgi í Búdapest,“ sagði Niki Lauda, ráðunautur Mercedes liðsins.
Aðspurður hvort Lotus hefði þurft að fá leyfi hjá vélaframleiðandanum Mercedes til að nota fullt afl vélarinnar sagði Wolff: „Það hefur greinilega orðið einhver misskilningur. Það arf enginn að fá leyfi til þess. Það er þó takmarkaður fjöldi kílómetra sem má aka á fullu afli.“
„Við erum afar vonsviknir með afrakstur dagsins, við vildum ná verðlaunasæti. Ræsingin var léleg á báðum bílum, þeir spóluðu af stað og töpuðu tíma. Við þurfum að biðja Valtteri afsökunnar á því að setja vitlaust dekk undir. Við eyðilögðum keppnina fyrir honum. Við ætlum ekki að kenna neinum einum um, við tökum á þessu sem lið,“ sagði Rob Smedley, frammistöðustjóri Williams liðsins.
Hér fyrir neðan má sjá helstu úrslit helgarinnar á gagnvirku brautarkorti.
