Herra Hnetusmjör lét miðana rigna yfir Verzlinga

Bræðurnir í hljómsveitinni Rae Sremmurd halda tónleika í Laugardalshöll á fimmtudagskvöldið.

Herra Hnetusmjör verður einn af þeim sem munu koma til með að hita upp fyrir tónleikana.

Hann mætti í Verzlunarskóla Íslands á dögunum, tók nokkur vel valin lög og gaf miða á tónleikana. Hnetusmjörið lét miðana hreinlega rigna yfir krakkana í skólanum, og var því vel tekið á móti kappanum.

Friðrik Dór, Gísli Pálmi og Retro Stefson koma einnig fram á fimmtudagskvöldið.