Besti leikmaður Víkinga semur til tveggja ára

Jóhann Reynir Gunnlaugsson, stórskytta Víkings í handbolta, hefur skrifað undir nýjan tveggja ára samning við félagið.

Þetta kemur fram á heimasíðu Víkings, en Jóhann Reynir var markahæsti leikmaður liðsins í 1. deildinni á síðustu leiktíð er hann skoraði 154 mörk í 24 leikjum.

Jóhann Reynir var lykilmaður í Víkingsliðinu sem komst upp í úrvalsdeildina á ný eftir spennandi umspil við Fjölni sem endaði í oddaleik.

Eftir tímabilið var skyttan svo kjörinn besti leikmaður Víkings á lokahófi félagsins og þá var hann í úrvalsliði 1. deildar sem kynnt var á lokahófi KSÍ.

Fram kemur í frétt Víkinga að Jóhan Reynir hafnaði tilboði frá Noregi, en hann vildi þess í stað taka slaginn í efstu deild með uppeldisfélaginu.

„Við þjálfararnir erum gríðarlega ánægðir með að samningar við Jóhann séu nú í höfn. Jóhann er gríðarlega fjölhæfur leikmaður jafnt i vörn sem sókn og mikil  fyrirmynd. Að auki er hann uppalinn  hjá félaginu sem skemmir ekki fyrir.  Þetta eru mikil gleðitíðindi fyrir félagið,“ segir Ágúst  Þór Jóhannsson, þjálfari Víkings.