Besta langstökk Þorsteins í fimm ár

Þorsteinn Ingvarsson, stökkvari úr ÍR, náði sínum besta árangri í langstökki þegar hann stökk 7,58 m á móti í Kaplakrika í gærkvöldi.

Stökkið var reyndar með aðeins of miklum meðvindi en lengsta gilda stökkið hans var 7,49 m. Hans besti árangur á ferlinum er 7,79 m sem hann náði árið 2010.

Kristinn Torfason varð annar í mótinu með 7,27 m.

Margt af okkar sterkasta frjálsíþróttafólki tók þátt í mótinu en meðal annarra úrslita má nefna að Stefán Velemir bætti sig í kúluvarpi með kasti upp á 17,79 m.

Þessi 21 árs kappi er nú aðeins 0,04 sentímetrum frá Íslandsmeti 22 ára og yngri.