Bale afgreiddi Belgana | Öll úrslit kvöldsins

Níu leikir fóru fram í kvöld í þremur riðlum í undankeppni Evrópumótsins í Frakklandi 2016 en leikið var í A-, B- og H-riðli.

Wales heldur áfram að koma mörgum á óvart eins og Íslendingar og bæði liðin fögnuðu flottum heimasigrum í kvöld.

Wales náði þriggja stiga forystu á toppi B-riðils eftir 1-0 sigur á Belgíu á heimavelli í kvöld. Gareth Bale var hetja Belga en hann skoraði eina mark leiksins á 25. mínútu.

Nestoras Mitidis skoraði þrennu fyrir Kýpur í 3-1 sigri í Andorra en þetta var erfitt kvöld fyrir landa hans Dossa Júnior sem skoraði bæði sjálfsmark og klikkaði á vítaspyrnu.

Edin Visca skoraði tvö mörk í 3-1 heimasigri Bosníu á Ísrael.Bosníumenn lentu undir fjórum mínútum fyrir hálfleik en voru engu að síður yfir í hálfleik eftir tvö mörk á lokakafla hálfleiksins.

Þetta var aðeins annar sigur bosníska liðsins í riðlinum en tap hefði farið lang með að gera út um möguleika liðsins á að komast áfram.

Norðmenn náðu aðeins markalausu jafntefli á heimavelli á móti Aserbajdsjan en sigur hefði komið þeim upp að hlið Ítala í öðru sæti riðilsins.

Ivelin Popov tryggði Búlgörum sigur á Möltu en búlgarska liðið er nú tveimur stigum á eftir Noregi.

Hér fyrir neðan má sjá öll úrslit kvöldsins.

 

Úrslitin í undankeppni EM í kvöld:

A-riðill

Kasakstan - Tyrkland 0-1

0-1 Arda Turan (83.)

Ísland - Tékkland 2-1

0-1 Borek Dockal (55.), 1-1 Aron Einar Gunnarsson (60.), 2-1 Kolbeinn Sigþórsson (76.)

Lettland - Holland 0-2

0-1 Georginio Wijnaldum (67.), 0-2 Luciano Narsingh (71.)



B-riðill

Andorra - Kýpur    1-3

1-0 Sjálfsmark (2.), 1-1 Nestoras Mitidis (14.), 1-2 Nestoras Mitidis (45.), 1-3 Nestoras Mitidis (53.)

Bosnía - Ísrael 3-1

0-1 Tal Ben Haim II (41.), 1-1 Edin Visca (42.), 2-1 Edin Dzeko (45.), 3-1 Edin Visca (75.).

Wales - Belgía    1-0

1-0 Gareth Bale (25.)



H-riðill

Króatía - Ítalía    1-1

1-0 Mario Mandzukic (11.), 1-1 Antonio Candreva, víti (36.)

Noregur - Aserbajdsjan    0-0

Malta - Búlgaría     0-1

0-1  Ivelin Popov (56.)