Veiðimenn búnir undir vorkulda fram í miðjan júní á norðurlandi Karl Lúðvíksson skrifar 3. júní 2015 11:12 Veiðimenn hafa fengið nóg af köldu vori og bíða eftir sumrinu sem lætur þó bíða eftir sér Eins og hefur komið fram í allri umfjöllun um þetta kalda vor þá er langtímaspáin veiðimönnum sérstaklega óhagstæð. Þetta á þó sérstaklega við á norðurlandi en langtímaspár, eins skeikular og þær geta orðið, sýna engar tveggja stafa tölur fyrir norðan fram til 12. júní og það heyrir til undantekninga af talan nær 8-9 gráðum. Suma dagana er meira að segja spáð snjókomu eða slyddu inn til sveita og upp til fjalla. Þetta veldur því að snjórinn, sem er ennþá gífurlega mikill, bráðnar sama og ekkert. Þetta er að vísu kostur og galli. Mikill snjór tryggir gott vatn í ánum svo það þarf eitthvað mikið að gerast til að það verði einhver vatnsskortur í laxveiðiánum í sumar. En mikill snjór samfara hlýjum og blautum dögum þýðir líka að árnar geta orðið vatnsmiklar og litaðar einhverja daga á miðju sumri sem er heldur leiðinlegt sé maður við bakkann á þeim dögum en að sama skapi jafn gaman ef maður er svo heppinn að veiða þegar áin fer úr lit og sjatnar en eins og veiðimenn þekkja getur veiðst feyknavel við þau skilyrði. Vötnin fyrir norðan eru ennþá köld og varla nokkur einasta frétt af veiðimönnum við bakkana sem hafa verið að setja í fiska. Eftir slakt veiði- og sólarsumar í fyrra (slakt sólarsumar á vestur og suðurlandi hið minnsta) eiga veiðimenn og landsmenn vonandi inni gott sólarsumar framundan og helst að þessu samfara komi góðar göngur í árnar. Stangveiði Mest lesið Skortur á veiðisiðferði við Þingvallavatn Veiði Rjúpa eða ekki rjúpa? Veiði Níu ára gutti með 96 sentimetra hæng Veiði Hvað á rjúpan að hanga lengi Veiði Bleikjan að vaka í Vifilstaðavatni Veiði Ein besta bleikjuveiði síðustu ára við Þingvallavatn Veiði Hrikalegar tölur úr Ytri Rangá Veiði Kvennadeild SVFR hittist annað kvöld Veiði Bjarni gefur kost á sér áfram til formennsku SVFR Veiði Mok á Zelduna í Eystri Rangá Veiði
Eins og hefur komið fram í allri umfjöllun um þetta kalda vor þá er langtímaspáin veiðimönnum sérstaklega óhagstæð. Þetta á þó sérstaklega við á norðurlandi en langtímaspár, eins skeikular og þær geta orðið, sýna engar tveggja stafa tölur fyrir norðan fram til 12. júní og það heyrir til undantekninga af talan nær 8-9 gráðum. Suma dagana er meira að segja spáð snjókomu eða slyddu inn til sveita og upp til fjalla. Þetta veldur því að snjórinn, sem er ennþá gífurlega mikill, bráðnar sama og ekkert. Þetta er að vísu kostur og galli. Mikill snjór tryggir gott vatn í ánum svo það þarf eitthvað mikið að gerast til að það verði einhver vatnsskortur í laxveiðiánum í sumar. En mikill snjór samfara hlýjum og blautum dögum þýðir líka að árnar geta orðið vatnsmiklar og litaðar einhverja daga á miðju sumri sem er heldur leiðinlegt sé maður við bakkann á þeim dögum en að sama skapi jafn gaman ef maður er svo heppinn að veiða þegar áin fer úr lit og sjatnar en eins og veiðimenn þekkja getur veiðst feyknavel við þau skilyrði. Vötnin fyrir norðan eru ennþá köld og varla nokkur einasta frétt af veiðimönnum við bakkana sem hafa verið að setja í fiska. Eftir slakt veiði- og sólarsumar í fyrra (slakt sólarsumar á vestur og suðurlandi hið minnsta) eiga veiðimenn og landsmenn vonandi inni gott sólarsumar framundan og helst að þessu samfara komi góðar göngur í árnar.
Stangveiði Mest lesið Skortur á veiðisiðferði við Þingvallavatn Veiði Rjúpa eða ekki rjúpa? Veiði Níu ára gutti með 96 sentimetra hæng Veiði Hvað á rjúpan að hanga lengi Veiði Bleikjan að vaka í Vifilstaðavatni Veiði Ein besta bleikjuveiði síðustu ára við Þingvallavatn Veiði Hrikalegar tölur úr Ytri Rangá Veiði Kvennadeild SVFR hittist annað kvöld Veiði Bjarni gefur kost á sér áfram til formennsku SVFR Veiði Mok á Zelduna í Eystri Rangá Veiði