Öruggt hjá Sevilla | Sjáðu mörkin

Sevilla er komið í úrslitaleik Evrópudeildarinnar annað árið í röð eftir samanlagðan 5-0 sigur á Fiorentina í undanúrslitunum. Sevilla vann seinni leik liðanna 0-2 í kvöld.

Mörkin úr leiknum má sjá hér að neðan.

Sevilla vann fyrri leikinn á heimavelli fyrir viku 3-0 og því var ljóst að Ítalanna biði erfitt verkefni á Stadio Artemio Franchi í kvöld.

Og erfitt verkefni varð að ómögulegu þegar Kólumbíumaðurinn Carlos Bacca kom Sevilla yfir á 22. mínútu með skoti af stuttu færi eftir aukaspyrnu Éver Banega. Þetta var 26. mark Bacca á tímabilinu.

Varnarmaðurinn Daniel Carrico bætti svo öðru marki við á 27. mínútu. Josip Ilic fékk upplagt tækifæri til að minnka muninn um miðjan seinni hálfleik en skaut yfir úr vítaspyrnu.

Fleiri urðu mörkin ekki og Sevilla fagnaði 0-2 sigri og um leið sæti í úrslitaleiknum í Varsjá 27. maí.

Sevilla vann Evrópudeildina í fyrra og gæti því leikið sama leik og 2006 og 2007 þegar liðið vann keppnina tvö ár í röð.

Carlos Bacca 0-1 Daniel Carrico 0-2