Lotus liðið í Formúlu 1 ætlar að mæta til keppni á Spáni næstu helgi með miklar uppfærslur á bílum sínum.
Venjan er að lið geymi stórar uppfærslur þangað til Formúla 1 kemur til Evrópu. Evrópuhluti tímabilsins hefst í ár á Spáni, næstu helgi.
Lotus ætlar með uppfærslunum að komast aftur í stöðu til að keppa um stig í hverri keppni. Liðið er einungis með 12 stig eftir fjórar fyrstu keppnir tímabilsins.
„Það verður áhugavert að sjá hvernig helgin fer, mörg lið eru að koma með stórar uppfærslur í fyrstu keppnina í Evrópu og við ætlum ekki að láta okkar eftir liggja við komum með talsvert miklar uppfærslur á yfirbyggingu bílsins,“ sagði Nick Chester, tæknistjóri Lotus.
„Það er talsvert spennandi að sjá hvernig uppfærslur liðin koma með. Hvað okkar væntingar varðar gerum við ráð fyrir að eiga góða keppni í Barselóna, líkt og við áttum í Kína og Barein,“ bætti Chester við.
Aðstoðarliðsstjóri Lotus, Federico Gastaldi telur að sumar uppfærslur liðsins muni vekja mikla athygli annarra liða.
„Við höfum unnið hörðum höndum að því að bæta bílinn og reyna að auka getu hans. Það eru möguleikar á því að sumar uppfærslurnar muni vekja mikla athygli í Barselóna og í keppninni þar á eftir í Mónakó. Það má segja að það sé búið að vera nóg að gera í Enstone,“ sagði Gastaldi.
Lotus kemur með stórar uppfærslur til Spánar
Tengdar fréttir
Sonur Schumacher vann sinn fyrsta kappakstur
Sjaldan fellur eplið langt frá eikinni. Það á svo sannarlega vel við í tilviki Michael Schumacher og sonar hans, Mick.
Moss: Rosberg vinnur Hamilton aldrei
Formúlu 1 goðsögnin Stirling Moss segir að Nico Rosberg eigi ekki möguleika á að vinna Lewis Hamilton í baráttunni um heimsmeistaratitil á meðan þeir eru í sama liði.
Bílskúrinn: Barátta í Barein
Lewis Hamilton rétt náði að koma fyrstur í mark í spennandi keppni. Pastor Maldonado tókst ekki að klára og Valtteri Bottas varðist vel.
Hamilton fyrstur í mark í Barein
Lewis Hamilton á Mercedes vann Formúlu 1 keppnina í Barein í dag. Hamilton vann sína þriðju keppni á tímabilinu. Kimi Raikkonen á Ferrari varð annar og Nico Rosberg á Mercedes þriðji.
Hakkinen: Ekki viss um hvort Ferrari ætti að halda Raikkonen
Tvöfaldi heimsmeistarinn Mika Hakkinen segir Ferrari eiga erfiða ákvörðun fyrir höndum. Ferrari þarf að ákveða hvort það vill framlengja samning Kimi Raikkonen.
Eyðsluþak með snúning
Fyrrum forseti FIA, Max Mosley hefur lengi verið talsmaður einhverskonar eyðsluþaks í Formúlu 1. Hann hefur nú komið fram með nýja hugmynd um útfærslu á slíku.
