Sjötti sigur Hauka í röð | Myndaveisla

Haukar halda áfram sigurgöngu sinni í Olís-deild kvenna. Hafnarfjarðarliðið vann Stjörnuna með minnsta mun, 21-20 og var þetta sjötti sigur Hauka í röð.

Gestirnir úr Hafnarfirði voru sterkari í fyrri hálfleik og leiddu með meðal annars með fjórum mörkum í hálfleik, 16-12.

Í síðari hálfleik skoruðu Haukar einungis fimm mörk á meðan Stjarnan gekk á lagið. Lokatölur urðu svo eins og fyrr segir, 21-20, og Haukarnir halda áfram sigurgöngu sinni.

Marija Gedroit fór á kostum í Haukaliðinu og skoraði tíu mörk. Ragnheiður Ragnarsdóttir kom næst með fjögur. Helena Rut Örvasdóttir var markahæst með fjögur fyrir Stjörnuna.

Haukar hafa unnið ellefu af síðustu tólf leikjum sínum og eru í fjórða sæti deildarinnar. Stjarnan er áfram í öðru sætinu.

Markaskorarar Stjörnunnar:

Helena Rut Örvarsdóttir 4, Sólveig Lára Kjærnested 3, Stefanía Theodórsdóttir 3, Hanna Guðrún Stefánsdóttir 3, Nataly Sæunn Valencia 3, Þórhildur Gunnarsdóttir 3, Esther Viktoría Ragnarsdóttir 1.

Markaskorarar Hauka:

Marija Gedroit 10, Ragnheiður Ragnarsdóttir 4, Karen Helga Díönudóttir 2, Gunnhildur Pétursdóttir 2, Áróra Eir Pálsdóttir 1, Ragnheiður Sveinsdóttir 1, Agnes Ósk Egilsdóttir 1.