Eyjamenn spila seinni leikinn báða dagana

Handknattleikssamband Íslands hefur nú staðfest leiktíma á undanúrslitaleikjum karla og kvenna í Coca Cola bikarnum sem fara fram í Laugardalshöllinni í næstu viku.

ÍBV er eitt af þremur liðum sem á bæði karla- og kvennalið á úrslitahelginni og Eyjamenn spila seinni undanúrslitaleikinn báða dagana. Valur og Haukar eru einnig með bæði liðin sín í Höllinni.

Kvennalið ÍBV mætir Gróttu klukkan 20.00 fimmtudaginn 26. febrúar en klukkan 17.15 mætast Valur og Haukar.

Karlalið ÍBV mætir Haukum klukkan 20.00 föstudaginn 27. febrúar en klukkan 17.15 sama dag mætast Valur og FH. Sigurvegarinn úr leik ÍBV og Hauka fær því minni hvíld fyrir úrslitaleikinn sem er klukkan 16.00 daginn eftir.

Þetta er þriðja árið í röð sem undanúrslitaleikirnir eru hluti af bikarúrslitaleikjahelginni og annað árið í röð þar sem undanúrslitaleikir karla fer fram kvöldið fyrir úrslitaleikinn.