Sjáðu mörkin hjá U23 ára liðinu í gær | Myndband

Íslenska kvennalandsliðið í fótbolta skipað leikmönnum 23 ára og yngri vann A-landslið Póllands, 3-1, í vináttuleik sem fram fór í knattspyrnuhúsinu Kórnum í Kópavogi í gærkvöldi.

Þetta var aðeins fjórði U23 ára leikur Íslands í sögunni, en Freyr Alexandersson, landsliðsþjálfari, sagði í viðtali við Fréttablaðið að hann hefði lagt mikla áherslu á þennan leik með framtíðina í huga.

Markaprinsessan Elín Metta Jensen var á skotskónum eins og svo oft áður þegar hún reimir á sig takkaskó, en hún skoraði tvö mörk og Katrín Ásbjörnsdóttir eitt mark.

Mörkin sem skoruð voru í leiknum má sjá hér að neðan, en þau voru birt á Facebook-síðu KSÍ.

Post by KSÍ - Knattspyrnusamband Íslands.