Myndir af Aroni Pálmarssyni á æfingu í dag

Aron Pálmarsson æfði með íslenska handboltalandsliðinu á opinni æfingu liðsins í dag en þetta var í fyrsta skiptið sem hann hitti fjölmiðlamenn eftir líkamsárásina sem hann varð fyrir milli jóla og nýárs.

Aron Pálmarsson eyddi öllum efasemdum um það að hvort hann yrði með á HM í Katar og talaði um það liti allt út fyrir það að hann gæti beitt sér hundrað prósent á mótinu.

Aron Pálmarsson fékk auðvitað mikla athygli frá íslensku fjölmiðlamönnunum enda hafa margir beðið eftir jákvæðum fréttum af íslensku skyttunni.

Pjetur Sigurðsson, ljósmyndari Vísis og Fréttablaðsins, var á æfingunni í Laugardalshöllinni í dag og náði þessum myndum hér fyrir neðan.