Petr Cech, markvörður tékkneska landsliðsins, hrósaði íslenska liðinu mjög á blaðamannafundi í Prag í gær en Ísland mætir Tékkum ytra á sunnudagskvöld. Þar mæta topplið A-riðils í undankeppni EM 2016 en bæði lið eru með fullt hús stiga.
„Íslendingar eru vel skipulagðir, einbeittir og harðir í horn að taka. Sterkasta vopn þeirra er liðsheildin en þeir vinna mjög vel saman, ekki bara í vörn heldur í sókn líka,“ sagði Cech.
„Við höfum nánast heila viku til að undirbúa okkur og þjálfarinn okkar hefur skýra hugmynd um hvað á að gera. Það verður því undir okkur komið að framfylgja hans skipulagi,“ sagði Cech enn fremur.
Tékkar byrjuðu undankeppnina á því að vinna Holland og Cech sagði að sá sigur hefði fleytt liðinu langt. „Við komum öllum á óvart gegn Hollandi en sá sigur veitti okkur sjálfstraust sem endurspeglaðist í leikjunum gegn Tyrklandi og Kasakstan.“
Cech: Sterkasta vopn Íslands er liðsheildin
Tengdar fréttir
Ragnar: Sýndum að við erum með stórt og sterkt lið
Segir að menn hafi verið svekktir með niðurstöðuna inn í búningsklefa.
Varalið Íslands tapaði fyrir stjörnum prýddu liði Belga
Margir leikmenn fá tækifæri til þess að sanna sig í íslenska landsliðinu í kvöld.
Aron Einar: Getum gengið stoltir af velli
Fyrirliðinn sáttur með frammistöðuna í Brussel þrátt fyrir 3-1 tap.
Sjáðu mörkin úr tapleiknum í Brussel | Myndband
Alfreð Finnbogason skoraði mark Ísland en öll mörk leiksins má sjá hér á Vísi.
Rúrik: Mikilvægi Arons Einars kom í ljós
Rúrik Gíslason segir að Ísland hafi saknað fyrirliðans í seinni hálfleik.
Lars: Meiri samkeppni í liðinu
Landsliðsþjálfarinn fagnar meiri breidd í íslenska liðinu eftir góða frammistöðu í Brussel.
Hallgrímur: Pirrandi að fá á sig mark úr föstu leikatriði
Varnarmaðurinn segir það hafa verið dýrmæta reynslu að spila gegn Belgíu.
