Gengur betur með doktorsnáminu Tómas Þór Þórðarson skrifar 12. júní 2014 07:00 Ásdís kastaði loks aftur yfir 60 metra á mánudaginn. Fréttablaðið/AFP Ásdís Hjálmsdóttir, Íslandsmethafi í spjótkasti, virðist vera komin í gott form en hún kastaði 60,03 metra og endaði í þriðja sæti á móti í Tékklandi á mánudaginn. Þetta var í fyrsta skipti sem Ásdís kastar yfir 60 metra síðan hún þeytti spjótinu 62,77 metra á Ólympíuleikunum í London fyrir tveimur árum en það er núgildandi Íslandsmet. Ásdís byrjaði síðasta ár vel og kastaði yfir 59 metra á JJ-móti Ármanns í Laugardalnum í apríl. Hún náði svo fínu kasti upp á 59,97 metra í Svíþjóð en komst aldrei yfir 60 metra múrinn, ekki einu sinni á HM. „Þetta var rosa gaman. Það er búið að ganga mjög vel á æfingum en að gera þetta á móti er allt annað. Þegar maður er að breyta hlutum eins og ég hef verið að gera þá er auðvelt að fara í sama farið þegar maður er að keppa en sú var ekki raunin núna,“ segir Ásdís. Ásdís náði 60,03 metrum strax í fyrsta kasti en það tók sinn tíma fyrir hana að fá lengdina staðfesta. „Þetta var svolítið fyndið. Þeir voru rosalega lengi að mæla kastið. Ég sá að spjótið var við 60 metra línuna en vissi ekki hvorum megin. Maðurinn sem var að mæla fór frá spjótinu áður en það kom staðfest lengd þannig að ég hélt að þeir væru búnir að klúðra þessu og ég fengi annað kast. Þeir voru alveg þrír þarna og loks kom þetta þannig það var smá spenna í kringum þetta,“ segir Ásdís. Hvað er það sem hún hefur verið að breyta og bæta undir stjórn nýja þjálfarans, Terrys McHughs? „Það er aðallega stíllinn og tæknin. Svo er ég búin að breyta æfingaprógramminu aðeins. Ég er að lyfta minna og gera fleiri tækniæfingar. Í rauninni er ég að setja tækniæfingar í stað þeirra lyftingaæfinga sem ég sleppi. Ég er að vinna í meiri hraða og snerpu í útkastinu,“ segir hún.Settist ekki á sálina Ásdís breytti um umhverfi á síðasta ári og fluttist til Zürich í Sviss þar sem hún stundar doktorsnám í lyfjafræði. Hún fékk sér einnig nýjan þjálfara en þetta tvennt, ásamt öðru, varð meðal annars til þess að hún náði sér aldrei almennilega á strik í fyrra. Hún segir það samt ekki hafa sest á sálina að hafa ekki náð kasti yfir 60 metrum. „Nei, ég get ekki sagt það en þetta var mjög svekkjandi. Ég vissi alveg að ég gat meira en spjótið er svolítið þannig að þó að þú vitir að þú getir betur og þú átt að gera betur þá er það endilega ekkert alltaf þannig. Þetta settist ekki beint á sálina því það voru miklar breytingar í gangi í mínu lífi,“ segir Ásdís og heldur áfram: „Ég fór í doktorsnámið og skipti um þjálfara. Þegar maður er orðinn 27 ára gamall og ætlar að breyta um tækni þá tekur tíma að venjast því. Það er ekki ætlast til að það gangi í gegn ósjálfrátt. Mér gekk vel á æfingum en ekki jafn vel á mótum. Ég prófaði líka að vera atvinnuíþróttamaður í smástund en það hentar mér betur að vera í námi eins og núna.“Tvær ófrískar Ásdís keppir næst á Demantamótinu í New York á laugardaginn sem Stöð 2 Sport sýnir frá í beinni útsendingu. Henni var einnig boðið á Demantamótin í Doha í Katar og Róm á Ítalíu en varð að hafna boðinu þar sem það passaði ekki inn í dagskrá hennar. „Á eftir New York er næst keppt í Lausanne en það kemur í ljós síðar hvort ég fái boð þangað. Það er náttúrlega ekki vitað hverjir verða að toppa í kringum það mót. Næst keppi ég í New York, svo er EM landsliða í Georgíu og eftir það ætla ég að taka mér smá hvíld frá mótum og hlaða rafhlöðurnar. Ég keppi svo á meistaramótinu heima í júlí,“ segir Ásdís. Stóra mótið í sumar er EM á „heimavelli“ Ásdísar í Zürich en hversu langt getur hún komist þar? „Baráttan er mjög opin. Tvær af þeim allra bestu eru báðar ófrískar sem opnar þetta mjög mikið. Það eru rosalega margar að kasta í kringum 62 metrana. Ef ég fer yfir það verð ég kannski með fjórða til fimmta besta kast ársins. Augljóst markmið á EM er að fara í úrslit en svo er erfitt að segja til um hvað gerist. Nýtt Íslandsmet í úrslitum á EM gæti dugað á verðlaunapall en maður veit aldrei hvað hinar stelpurnar gera,“ segir hún. Sem fyrr segir keppir Ásdís næst á sjötta Demantamóti ársins í New York á laugardaginn. Þar mætir hún sjö öðrum konum. Sex þeirra eiga lengra kast en hún á ferlinum en fimm á þessu ári. Frjálsar íþróttir Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Bað börnin sín afsökunar á dánarbeðinum Fótbolti Pössuðu að leikmenn Fulham væru aldrei einar með Al Fayed Enski boltinn Sló 24 ára gamalt met Kára Steins, aftur Sport UEFA sé að missa þolinmæðina gagnvart Íslandi Íslenski boltinn „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Eðla rölti inn á brautina á æfingu Formúla 1 Fleiri fréttir Ásdís Karen skoraði í þriðja sigri Lillestrøm í röð Sjö KR-ingar heiðraðir á Anfield Orri í byrjunarliði Real Sociedad sem mistókst enn og aftur að skora Í beinni: Liverpool - Bournemouth | Misstígur Liverpool sig aftur? Í beinni: Tottenham - Brentford | Réttir Tottenham úr kútnum? Sló 24 ára gamalt met Kára Steins, aftur Jackson í stuði þegar Chelsea fór létt með West Ham Lið Ísaks og Valgeirs bjargaði stigi á dramatískan hátt Endurkoma hjá Dagnýju Eðla rölti inn á brautina á æfingu „Er ekki bara kominn tími til að breyta þessu?“ Pössuðu að leikmenn Fulham væru aldrei einar með Al Fayed „Okkar að stöðva drauma þeirra í fæðingu“ Segir að Rashford hafi tekið lífsstílinn í gegn Bað börnin sín afsökunar á dánarbeðinum UEFA sé að missa þolinmæðina gagnvart Íslandi Bein útsending: Bakgarðshlaupið í Heiðmörk Veðmál systkina til lykta leitt: „Veit að ég mun aldrei tapa fyrir honum“ Dagskráin í dag: Íslendingaslagur af bestu gerð Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Heimsmeistaranum refsað fyrir notkun blótsyrðis Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik Fullkomin byrjun lærisveina Arnórs heldur áfram „Ætlum að taka bikarinn norður, það er bara staðan“ Sjá meira
Ásdís Hjálmsdóttir, Íslandsmethafi í spjótkasti, virðist vera komin í gott form en hún kastaði 60,03 metra og endaði í þriðja sæti á móti í Tékklandi á mánudaginn. Þetta var í fyrsta skipti sem Ásdís kastar yfir 60 metra síðan hún þeytti spjótinu 62,77 metra á Ólympíuleikunum í London fyrir tveimur árum en það er núgildandi Íslandsmet. Ásdís byrjaði síðasta ár vel og kastaði yfir 59 metra á JJ-móti Ármanns í Laugardalnum í apríl. Hún náði svo fínu kasti upp á 59,97 metra í Svíþjóð en komst aldrei yfir 60 metra múrinn, ekki einu sinni á HM. „Þetta var rosa gaman. Það er búið að ganga mjög vel á æfingum en að gera þetta á móti er allt annað. Þegar maður er að breyta hlutum eins og ég hef verið að gera þá er auðvelt að fara í sama farið þegar maður er að keppa en sú var ekki raunin núna,“ segir Ásdís. Ásdís náði 60,03 metrum strax í fyrsta kasti en það tók sinn tíma fyrir hana að fá lengdina staðfesta. „Þetta var svolítið fyndið. Þeir voru rosalega lengi að mæla kastið. Ég sá að spjótið var við 60 metra línuna en vissi ekki hvorum megin. Maðurinn sem var að mæla fór frá spjótinu áður en það kom staðfest lengd þannig að ég hélt að þeir væru búnir að klúðra þessu og ég fengi annað kast. Þeir voru alveg þrír þarna og loks kom þetta þannig það var smá spenna í kringum þetta,“ segir Ásdís. Hvað er það sem hún hefur verið að breyta og bæta undir stjórn nýja þjálfarans, Terrys McHughs? „Það er aðallega stíllinn og tæknin. Svo er ég búin að breyta æfingaprógramminu aðeins. Ég er að lyfta minna og gera fleiri tækniæfingar. Í rauninni er ég að setja tækniæfingar í stað þeirra lyftingaæfinga sem ég sleppi. Ég er að vinna í meiri hraða og snerpu í útkastinu,“ segir hún.Settist ekki á sálina Ásdís breytti um umhverfi á síðasta ári og fluttist til Zürich í Sviss þar sem hún stundar doktorsnám í lyfjafræði. Hún fékk sér einnig nýjan þjálfara en þetta tvennt, ásamt öðru, varð meðal annars til þess að hún náði sér aldrei almennilega á strik í fyrra. Hún segir það samt ekki hafa sest á sálina að hafa ekki náð kasti yfir 60 metrum. „Nei, ég get ekki sagt það en þetta var mjög svekkjandi. Ég vissi alveg að ég gat meira en spjótið er svolítið þannig að þó að þú vitir að þú getir betur og þú átt að gera betur þá er það endilega ekkert alltaf þannig. Þetta settist ekki beint á sálina því það voru miklar breytingar í gangi í mínu lífi,“ segir Ásdís og heldur áfram: „Ég fór í doktorsnámið og skipti um þjálfara. Þegar maður er orðinn 27 ára gamall og ætlar að breyta um tækni þá tekur tíma að venjast því. Það er ekki ætlast til að það gangi í gegn ósjálfrátt. Mér gekk vel á æfingum en ekki jafn vel á mótum. Ég prófaði líka að vera atvinnuíþróttamaður í smástund en það hentar mér betur að vera í námi eins og núna.“Tvær ófrískar Ásdís keppir næst á Demantamótinu í New York á laugardaginn sem Stöð 2 Sport sýnir frá í beinni útsendingu. Henni var einnig boðið á Demantamótin í Doha í Katar og Róm á Ítalíu en varð að hafna boðinu þar sem það passaði ekki inn í dagskrá hennar. „Á eftir New York er næst keppt í Lausanne en það kemur í ljós síðar hvort ég fái boð þangað. Það er náttúrlega ekki vitað hverjir verða að toppa í kringum það mót. Næst keppi ég í New York, svo er EM landsliða í Georgíu og eftir það ætla ég að taka mér smá hvíld frá mótum og hlaða rafhlöðurnar. Ég keppi svo á meistaramótinu heima í júlí,“ segir Ásdís. Stóra mótið í sumar er EM á „heimavelli“ Ásdísar í Zürich en hversu langt getur hún komist þar? „Baráttan er mjög opin. Tvær af þeim allra bestu eru báðar ófrískar sem opnar þetta mjög mikið. Það eru rosalega margar að kasta í kringum 62 metrana. Ef ég fer yfir það verð ég kannski með fjórða til fimmta besta kast ársins. Augljóst markmið á EM er að fara í úrslit en svo er erfitt að segja til um hvað gerist. Nýtt Íslandsmet í úrslitum á EM gæti dugað á verðlaunapall en maður veit aldrei hvað hinar stelpurnar gera,“ segir hún. Sem fyrr segir keppir Ásdís næst á sjötta Demantamóti ársins í New York á laugardaginn. Þar mætir hún sjö öðrum konum. Sex þeirra eiga lengra kast en hún á ferlinum en fimm á þessu ári.
Frjálsar íþróttir Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Bað börnin sín afsökunar á dánarbeðinum Fótbolti Pössuðu að leikmenn Fulham væru aldrei einar með Al Fayed Enski boltinn Sló 24 ára gamalt met Kára Steins, aftur Sport UEFA sé að missa þolinmæðina gagnvart Íslandi Íslenski boltinn „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Eðla rölti inn á brautina á æfingu Formúla 1 Fleiri fréttir Ásdís Karen skoraði í þriðja sigri Lillestrøm í röð Sjö KR-ingar heiðraðir á Anfield Orri í byrjunarliði Real Sociedad sem mistókst enn og aftur að skora Í beinni: Liverpool - Bournemouth | Misstígur Liverpool sig aftur? Í beinni: Tottenham - Brentford | Réttir Tottenham úr kútnum? Sló 24 ára gamalt met Kára Steins, aftur Jackson í stuði þegar Chelsea fór létt með West Ham Lið Ísaks og Valgeirs bjargaði stigi á dramatískan hátt Endurkoma hjá Dagnýju Eðla rölti inn á brautina á æfingu „Er ekki bara kominn tími til að breyta þessu?“ Pössuðu að leikmenn Fulham væru aldrei einar með Al Fayed „Okkar að stöðva drauma þeirra í fæðingu“ Segir að Rashford hafi tekið lífsstílinn í gegn Bað börnin sín afsökunar á dánarbeðinum UEFA sé að missa þolinmæðina gagnvart Íslandi Bein útsending: Bakgarðshlaupið í Heiðmörk Veðmál systkina til lykta leitt: „Veit að ég mun aldrei tapa fyrir honum“ Dagskráin í dag: Íslendingaslagur af bestu gerð Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Heimsmeistaranum refsað fyrir notkun blótsyrðis Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik Fullkomin byrjun lærisveina Arnórs heldur áfram „Ætlum að taka bikarinn norður, það er bara staðan“ Sjá meira