Björt Ólafsdóttir, þingmaður Bjartrar framtíðar, kallaði eftir því á Alþingi í gær að ráðherrar ríkisstjórnarinnar beittu sér í máli Hjördísar Svan.
Í síðustu viku staðfesti Hæstiréttur handtökuskipun danskra yfirvalda vegna Hjördísar.
Hanna Birna Kristjánsdóttir innanríkisráðherra sagði ríkisstjórnina ekki geta blandað sér í niðurstöðu dómstóla. Kappkostað væri að tryggja hag barnanna, sem séu íslenskir ríkisborgarar.
