Bjarki Már með 11 mörk

Bjarki Már Elísson fór á kostum þegar Eisenach lagði Bad Schwartau 30-26 í þýsku B-deildinni í handbolta í kvöld á heimavelli sínum.

Bjarki skoraði 11 mörk fyrir Eisenach sem er með 17 stig í 9. sæti deildarinnar. Hannes Jón Jónsson leikur einnig með Eisenach.

Anton Rúnarsson skoraði 2 mörk og Ernir Hrafn Arnarson og Oddur Gretarsson sitt markið hvor fyrir Emsdetten sem lagði Eintracht Hildesheim 34-25.

Emsdetten er í 13. sæti með 14 stig.

Fannar Friðgeirsson skoraði 2 mörk fyrir Grosswallstadt sem tapaði á útivelli gegn 2000 Coburg 26-22. Grosswallstadt er í 7.sæti með 20 stig.