Damon Hill telur pressuna vera á Hamilton

Damon Hill sem varð heimsmeistari í Formúlu 1 árið 1996, segir að Abú Dabí verði erfiðari keppni fyrir Lewis Hamilton en Nico Rosberg.

Staðreyndin er að Rosberg er að elta Hamilton, sem er erfiðara fyrir Hamilton en Rosberg, andlega séð. Samkvæmt fyrrum heimsmeistaranum.

„Mér er alveg sama hver þú ert eða hversu svalur þú telur þig vera, frá því núna og þangað til keppninni er lokið er erfitt tímabil,“ sagði Hill.

„Ég held að þetta sé alltaf erfiðara fyrir þann sem leiðir keppnina. Ég held að sá sem er á eftir hafi að vissu marki sætt sig við tapið, á meðan hinn hefur öllu að tapa,“ hélt Hill áfram.

Hill hefur ráðlagt báðum að gera ekki stórmál úr því ef til þess kemur að bilun ræður úrslitum um hvor verður heimsmeistari. Heldur kyngja því og halda áfram.

„Ef annar þeirra lendir í bilun, er ekkert sem þeir geta gert í því. Slíkt hendir. Það yrði sorglegt ef Lewis yrði ekki heimsmeistari í ár vegna þess að þá yrði hann ekki heimsmeistari vegna þess að Mercedes brást honum,“ sagði Hill að lokum.

Gríðarleg spenna er að byggjast upp fyrir síðustu keppni tímabilsins sem fer fram næstu helgi. Keppnin mun ráða því hvor ökumanna Mercedes verður heimsmeistari.