Harpa fékk þrenn verðlaun - fimm Stjörnukonur í liði ársins

Stjörnukonan Harpa Þorsteinsdóttir fékk þrenn verðlaun þegar Knattspyrnusamband Íslands gerði upp Pepsi-deildar kvenna í fótbolta með viðhöfn í Ölgerðinni.

Harpa var í liði ársins, var kosin besti leikmaðurinn og skoraði einnig flottasta markið en hún var langmarkahæst í deildinni með 27 mörk.

Íslands- og bikarmeistarar Stjörnunnar áttu fjóra aðra leikmenn í úrvalsliðinu auk þess að eiga besta þjálfarann sem var Ólafur Þór Guðbjörnsson.

Breiðablik og Þór/KA áttu bæði tvo leikmenn í úrvalsliðinu en Selfoss og Afturelding voru síðan með einn leikmann hvort félag.

Stuðningsmenn Selfoss voru valdir bestu stuðningsmennirnir og Bríet Bragadóttir var valin besti dómarinn í Pepsi-deild kvenna.



Verðlaun fyrir Pepsi-deildar kvenna 2014

Úrvalslið deildarinnar:

Markvörður

Sandra Sigurðardóttir, Stjörnunni

Varnamenn:

Arna Sif Ásgrímsdóttir, Þór/KA

Anna Björk Kristjánsdóttir, Stjörnunni

Glódís Perla Viggósdóttir, Stjörnunni

Blake Ashley Stockton, Selfossi

Miðjumenn:

Fanndís Friðriksdóttir, Breiðabliki

Sigrún Ella Einarsdóttir, Stjörnunni

Rakel Hönnudóttir, Breiðabliki

Kayla June Grimsley, Þór/KA

Sóknarmenn:

Helen Lynskey, Aftureldingu

Harpa Þorsteinsdóttir, Stjörnunni



Besti leikmaður

Harpa Þorsteinsdóttir, Stjörnunni

Besti þjálfari

Ólafur Þór Guðbjörnsson, Stjörnunni

Bestu stuðningsmenn

Stuðningsmenn Selfoss

Besti dómari

Bríet Bragadóttir

Besta mark ársins

Harpa Þorsteinsdóttir, Stjörnunni á móti Aftureldingu