Svekkjandi tap Rúriks og félaga | Úrslit kvöldsins

Rúrik Gíslason var í byrjunarliði FC Kaupmannahafnar sem mætti Torino í Evrópudeild UEFA á Ítalíu í kvöld.

Það stefndi í markalaust jafntefli en Ítalarnir tryggðu sér sigur með marki sem var dæmt í uppbótartíma leiksins. Fabio Quagliarella skoraði úr vítinu og tryggði heimamönnum góðan sigur.

Rúrik var tekinn af velli á 68. mínútu, skömmu eftir að hann fékk að líta gula spjaldið. Torino er með fjögur stig í B-riðli, rétt eins og Club Brugge, en FCK er með þrjú stig. HJK Helsinki er án stiga.

Öll úrslit kvöldsins má sjá hér fyrir neðan.