Notendur Facebook víðs vegar um heim, meðal annars á Íslandi, komust ekki inn á samfélagsmiðilinn fyrr í kvöld. Síðan lá niðri í um tuttugu mínútur.
Í frétt TechCrunch segir að fjöldi Facebook-notenda í Bandaríkjunum, mörgum ríkja Evrópu og Asíu hafi ekki getað tengst samskiptasíðunni. Facebook hefur ekki sent frá sér yfirlýsingu vegna málsins.
TechCrunch segir ekki ljóst hvað olli sambandsleysinu, en Facebook átti í sambærilegum vandræðum í maí, júní og ágúst.
Facebook lá niðri í um 20 mínútur í kvöld
