Marussia liðið í Formúlu 1 hefur ákveðið að Alexander Rossi aki fyrir liðið í belgíska kappakstrinum í stað Max Chilton. Samningaviðræður á milli Marussia og Chilton virðast hafa strandað.
Þessi yfirlýsing frá Marussia liðinu kemur þónokkuð á óvart.
Hér má lesa hana í heild sinni:
„Marussia Formúlu 1 liðið vill veita Alexander Rossi tækifæri til að aka í sinni fyrstu keppni í Belgíu á Spa-Francorchamps brautinni.
Alexander mun aka við hlið Jules Bianchi, hann kemur inn fyrir Max Chilton á meðan samningaumleitan stendur yfir.
Alexander kom til liðsins sem vara ökumaður í síðasta mánuði sú ákvörðun var tilkynnt á brautinni í Ungverjalandi. Hann hefur tekið þátt í mörgum föstudagsæfingum með fyrrverandi liði sínu en um helgina mun hann keppa í Formúlu 1 bíl í fyrsta skipti.“
Þetta er þriðja ökumannsbreytingin í vikunni. Kamui Kobayashi mun ekki aka fyrir Caterham um helgina og Jean-Eric Vergne verður ekki með Toro Rosso á næsta tímabili. Það er greinilegt að allt er á fullu á ökumannsmarkaðnum.
Marussia setur Chilton á bekkinn

Tengdar fréttir

Albers: Ökumenn verða að standa sig til að halda sætinu
Christijan Albers liðsstjóri Caterham liðsins segir að ökumenn liðsins verði að standa sig ef þeir ætla sér að klára tímabilið með liðinu.

Bílskúrinn: Horfur á næsta tímabili
Mörg lið eru farin að huga að uppstillingum ökumanna fyrir næsta tímabil. Hver verður hvar, hver er samningsbundinn hverjum og ætlar einhver að hætta?

Pirelli hefur ekkert á móti fleiri keppnum
Ítalski dekkjaframleiðandinn Pirelli sem sér Formúlu 1 liðum fyrir dekkjum segist ekki hafa neitt á móti lengra tímabili með fleiri keppnum.

Caterham skiptir Kobayashi út
Caterham liðið staðfesti í dag að André Lotterer muni aka í stað Kamui Kobayashi alla belgísku keppnishelgina.

Bottas: Williams verður áfram í baráttunni 2015
Valtteri Bottas, ökumaður Williams liðsins í Formúlu 1 segist sannfærður um að góður árangur liðsins að undanförnu muni halda áfram á næsta ári.