Valur hefur kallað markvörðinn Birnu Kristjánsdóttur til baka úr láni hjá ÍR. Fótbolti.net greinir frá þessu í dag.
Aðalmarkvörður Vals, Þórdís María Aikman, er á leið í nám erlendis og hefur Birna verið fengin til að fylla skarð hennar.
Birna gekk í raðir Vals frá Breiðabliki fyrir tímabilið, en var fljótlega lánuð til 1. deildar liðs ÍR, þar sem hún lék sex leiki fyrr í sumar. Hún missti af stórum hluta síðasta tímabils eftir að hafa slitið krossband í leik gegn FH.
Birna hefur leikið 42 leiki í efstu deild, alla fyrir Breiðablik.
Valur situr í 6. sæti Pepsi-deildar kvenna með 15 stig eftir tíu umferðir. Liðið mætir Aftureldingu í næsta leik sínum á þriðjudaginn kemur.
Birna aftur í Val
Ingvi Þór Sæmundsson skrifar

Mest lesið



„Urðum okkur sjálfum til skammar“
Körfubolti

Nottingham Forest vann aftur eftir vítakeppni
Enski boltinn






Jón Otti körfuboltadómari fallinn frá
Körfubolti