Þjálfari Gunnars Nelson er Írinn John Kavanagh en hann þjálfar einnig Conor McGregor sem er í aðalbardaga kvöldsins í Dublin.
Kavanagh var með æfingabúðir á Íslandi í heilan mánuð fyrir bardagann og var McGregor einn þeirra sem æfði með Gunnari á Íslandi. En af hverju Ísland?
"Það var þáttur í sjónvarpinu um daginn þar sem var verið að bera saman mataræði fólks um allan heim. Ísland var þar í fyrsta sæti," segir Kavanagh sem hefur eytt miklum tíma á Íslandi síðustu ár og kann vel við sig þar.
"Í hvert skipti sem ég kem heim frá Íslandi þá þarf ég í klippingu og klippa á mér neglurnar. Það virðist allt vaxa hraðar á Íslandi.
"Það er líka gott að vera á Íslandi. Þar er loftið hreint og gott. Frábært vatn, hollur matur og þar er líka smá einangrun og friður sem við fáum ekki hérna í Dublin. Á Íslandi fengum við góðan mánuð til að æfa. Strákarnir voru komnir í rétt andlegt ástand eftir þessar æfingabúðir."
Kavanagh segist hafa eytt sex af síðustu tólf mánuðum á Íslandi og hann er orðinn hálfgerður Íslendingur.
"Ég á Kringlukort, er með bankareikning á Íslandi. Ég er aðeins farinn að læra íslensku. Ég er líka kominn með ljóshærða kærustu og það er frekar íslenskt," segir John og hlær dátt.
Þessi stórbardagi verður í beinni á Stöð 2 Sport og hefst útsending kl. 19:00. Fáðu þér áskrift á www.365.is.
KA
KR
