Framarar töpuðu í kvöld 0-1 fyrir eistneska liðinu Kalju Nömme í fyrstu umferð forkeppni Evrópudeildarinnar en sigurmark gestanna var af klaufalegri gerðinni.
Fábio Prates skoraði sigurmark Kalju Nõmme á 61. mínútu leiksins en markið kom eftir hornspyrnu og mikinn klaufagang í Framvörninni.
Ögmundur Kristinsson, markvörður Framliðsins og félagar hans í vörninni voru í miklum vandræðum eftir hornspyrnu sem endaði með að Ögmundur kýldi boltann út í teiginn beint á kollinn á Fabio sem skallaði boltanum til baka, yfir Ögmund og í netið
„Ég er mjög ánægður með liðið, þeir fá ekkert færi sem ég man eftir, nema þegar við klúðrum örlítið í þessu marki sem þeir skora,“ segir Bjarni Guðjónsson, þjálfari Fram, í viðtali við Vísi eftir leikinn.
Myndband með sigurmarki Eistanna er nú aðgengilegt á Sjónvarpsvef Vísis eða með því að smella hér fyrir ofan.
Framarar féllu á klaufalegu marki - myndband
Tengdar fréttir
FH-ingar skoruðu þrjú mörk í lokin - sjáið mörkin
FH-ingar þurftu að bíða lengi eftir fyrsta marki sínu en þau komu síðan á færibandi á lokakaflanum í 3-0 sigri FH á Glenavon í fyrri leik liðanna í í 1. umferð forkeppni Evrópudeildarinnar.
Umfjöllun og viðtal: Fram - Kalju Nõmme 0-1 | Erfitt verkefni hjá Fram
Framarar töpuðu fyrir Kalju Nömme í fyrstu umferð forkeppni Evrópudeildarinnar í kvöld en leiknum lauk með 1-0 sigri þeirra eistnesku. Eina mark leiksins kom eftir klukkustund leik og var þar að verki Fábio Prates sem skallaði boltann í netið.
Stjörnumenn í stuði í fyrsta Evrópuleiknum - sjáið mörkin
Stjarnan setti upp sýningu í frumsýningu karlaliðs félagsins í Evrópukeppni í Garðabænum í kvöld en Stjarnan vann 4-0 sigur á velska liðinu Bangor City í fyrsta Evrópuleik karlaliðs félagsins.
