Ferðalag keppenda í WOW Cyclothon hjólreiðakeppninni sem nú stendur yfir hefur farið misvel í ökumenn. Lögreglan á Hvolsvelli hefur fengið mörg símtöl frá ósáttum ökumönnum. Kvarta þeir undan því að komast ekki leiðar sinnar og að keppendur loki þjóðveginum.
Lögreglan á Hvolsvelli vill beina þeim tilmælum til hjólreiðakappa sem staddir eru á Suðurlandi að taka tillit til almennrar umferðar á Suðurlandsvegi. Minnt er á að þjóðvegir á Suðurlandi séu frekar þröngir og best sé að finna afleggjara fyrir þjónustubíla hjólreiðafólksins til að stöðva á.
Símtölum rignir yfir lögregluna vegna hjólreiðafólks
Tengdar fréttir
Ótrúlegur endasprettur í Wow Cyclothon
Workforce A komu í mark innan við sekúndu á undan liðinu í öðru sæti.
Svefnleysið erfiðast við keppnina
Mikil spenna var við Rauðavatn í morgun þegar fyrstu tvö liðin í WOW Cyclothon hjólakeppninni komu mark á nánast sama tíma, eða 39 klukkustundum og 12 mínútum. Liðið Workforce A varð í fyrsta sæti og Örnin Trek í öðru sæti.
