Selfoss varð síðasta liðið til að tryggja sér sæti í undanúrslitum Borgunarbikarsins eftir 5-3 sigur á ÍBV eftir framlengingu og vítaspyrnukeppni á JÁVERKS-vellinum á Selfossi í dag.
Landsliðskonan Dagný Brynjarsdóttir kom Selfossi yfir með skallamarki á 10. mínútu eftir fyrirgjöf frá Önnu Maríu Friðgeirsdóttur, en Þórhildur Ólafsdóttir jafnaði metin á 70. mínútu eftir sendingu frá Shaneku Gordon og því varð að framlengja leikinn.
Ekkert var skorað í framlengingunni og því þurfti að grípa til vítaspyrnukeppni.
Þar reyndust heimakonur sterkari. Thelma Björk Einarsdóttir, Celeste Boureille, markvörðurinn Alexa Gaul og Dagný skoruðu úr sínum spyrnum fyrir Selfoss á meðan Gaul varði tvær spyrnur Eyjakvenna, frá Nadiu Lawrence og Kristínu Ernu Sigurlásdóttur.
Selfoss vann vítaspyrnukeppnina 4-2 og liðið er því komið í undanúrslitin ásamt Breiðabliki, Fylki og Stjörnunni.
Upplýsingar um úrslit og markaskorara eru fengnar af fótbolta.net.
Selfoss í undanúrslitin
Tengdar fréttir
Stjörnukonur fyrstar inn í undanúrslit Borgunarbikarsins í ár
Íslandsmeistarar Stjörnunnar tryggðu sér í kvöld sæti í undanúrslitum Borgunarbikars kvenna í fótbolta eftir 6-0 stórsigur á 1. deildarliði Þróttar á Valbjarnarvelli.
Íris Dögg varði tvö víti og kom Fylki í undanúrslitin
Íris Dögg Gunnarsdóttir var hetja Pepsi-deildar liðs Fylkis í kvöld þegar hún varði tvær vítaspyrnur í vítakeppni þegar Fylkir sló 1. deildarlið KR út úr átta liða úrslitum Borgunarbikars kvenna í fótbolta.
Bikarmeistararnir áfram í undanúrslitin
Breiðablik vann öruggan sigur á Val á útivelli með þremur mörkum gegn engu í átta-liða úrslitum Borgunarbikarsins.
