Leiðum nashyrningi líður vel með ösnum

Starfsmenn dýragarðsins í Tbilisi, höfuðborg Georgíu, eru duglegir við að setja dýr af mismunandi tegund saman í reit innan garðsins. Sérstaklega ef þeir skynja að þeim líði ekki vel.

Þeim þótti nashyrningurinn Manuela vera heldur leið og prófuðu að setja hana í reit með sebrahestum og geitum án árangurs. Hún var mjög stygg þegar önnur dýr nálguðust hana og ýtti þeim frá sér. Sebrahestarnir svöruðu í sömu mynt og geiturnar hörfuðu. En þegar Manuela var sett í reit með ösnum róaðist hún og þótti starfsmönnum hún hafa tekið gleði sína á ný.

Hér að neðan má sjá Manúelu og asnana njóta lífsins í hitanum í Tbilisi. Erlendir fjölmiðlar sögðu frá þessu í vikunni.

Þessar tilraunir starfsmanna dýrgarðsins hafa einnig leitt saman lítinn hvolp og ljónshvolpinn Shamba. „Við fylgjumst vel með hversu lengi þeirra vinskapur endist,“ segir Mzia Sharashidze, fjölmiðlafulltrúi dýragarðsins.