Nico Rosberg telur að hann hafi nú sálfræðilegt forskot á lisðfélaga sinn hjá Mercedes, Lewis Hamilton. Rosberg telur að hann hafi snúið taflinu við þegar hann náði 22 stiga forskoti á Hamilton í síðustu keppni.
Rosberg vann fyrstu keppni tímabilsins í Ástralíu. Hamilton vann svo fjórar keppnir í röð þangað til Rosberg stöðvaði sigurgöngu hans í Mónakó. Rosberg vann svo aftur í Kanada. Titilbaráttan mun líklega endast til loka tímabilsins. Rosberg telur þó að í síðustu tveimur keppnum hafi hann náð yfirhöndinni.
„Ef liðsfélagi þinn vinnur þrjár eða fjórar keppnir í röð mun það augljóslega styrkja stöðu hans,“ sagði Rosberg.
„Það var því mjög mikilvægt að stöðva sigurgönguna vegna þess að sálfræði er stór hluti af íþróttum. Ef þú hefur náð þessum úrslitum, sem ég hef náð núna, gefur það þér þetta örlitla auka, smá forskot , svo það hjálpar. Það er mikilvægt,“ sagði Rosberg sem leiðir heimsmeistarakeppni ökumanna.
Rosberg viðurkennir viss vonbrigði að ljúka ekki Kanada keppninni í fyrsta sæti.
„Það er glatað bíllinn okkar er nógu fljótur til að vinna hverja keppni, so það að fara frá Kanada án þess að vinna voru mikil vonbrigði fyrir liðið. Við verðum að hrista þetta af okkur í Asturríki og ná fyrsta og öðru sæti í öllum keppnum miðað við bílinn sem við höfum.
Breiðablik
KR
