Patrekur Jóhannesson var óánægður með rauða spjaldið sem Jón Þorbjörn Jóhannsson, leikmaður Hauka, fékk í tapleiknum gegn ÍBV í kvöld.
„Ég má ekkert segja. Þú færð ekkert upp úr mér. Það má ekkert tjá sig um dómara og ég ætla ekki að gera það. Þið fjölmiðlamenn getið tjáð ykkur um þetta en ekki ég. Ég vil vera með á fimmtudag þannig að ég segi ekki meira,“ sagði þjálfari Hauka í samtali við Vísi eftir leikinn.
Hann lét þó hafa eftir sér að honum þætti furðulegt að Eyjamaður hefði verið eftirlitsdómari þó svo hann hefði staðið sig ágætlega.
ÍBV knúði fram oddaleik í rimmunni með sigrinum í kvöld og ræðst því baráttan um Íslandsmeistaratitilinn á Ásvöllum á fimmtudagskvöldið.
Patrekur: Þú færð ekkert upp úr mér
Tengdar fréttir
Umfjöllun, viðtöl og myndir: ÍBV - Haukar 27-20 | Haukar komust ekki í gegnum Heimaklett
Það verður hreinn úrslitaleikur um Íslandsmeistaratitilinn í handbolta. ÍBV jafnaði einvígið gegn Haukum í kvöld í 2-2 og það verður því allt undir í oddaleik að Ásvöllum á fimmtudag. Vörn ÍBV í síðari hálfleik var hreint ótrúleg og Haukar áttu engin svör.
