Liðsfélagarnir ekki gamlir þegar Giggs spilaði fyrsta leikinn

Óskar Ófeigur Jónsson skrifar 20. mars 2014 12:30

Ryan Giggs átti mjög góðan leik með Manchester United í gær þegar liðið komst áfram í átta liða úrslit Meistaradeildarinnar eftir 3-0 í seinni leiknum á móti gríska liðinu Olympiacos.

Margir voru á því að Giggs hafi verið besti maður vallarins þótt að Robin Van Persie hafi skorað öll þrjú mörk liðsins í leiknum.

Ryan Giggs er fæddur 29.nóvember 1973 og var því 40 ára, 3 mánaða og 19 daga í leiknum í gær. Hann var að sjálfsögðu langelsti leikmaðurinn á vellinum en BBC tók saman hversu gamlir liðsfélagar hans voru þegar Giggs spilaði sinn fyrsta leik með United árið 1991.

Aldur leikmanna Manchester United þegar Giggs lék sinn fyrsta leik með Manchester United:

David de Gea - markvörður (3 mánaða)

Patrice Evra - vinstri bakvörður (9 ára, 2 mánaða)

Rio Ferdinand - miðvörður (12 ára, 4 mánaða)

Phil Jones - miðvörður (ekki fæddur)

Rafael - hægri bakvörður (8 mánaða)

Danny Welbeck- vinstri vængur (3 mánaða)

Ryan Giggs - miðjumaður

Michael Carrick - miðjumaður (9 ára, 8 mánaða)

Antonio Valencia - hægri vængur (5 ára, 7 mánaða)

Wayne Rooney - framherji (5 ára, 4 mánaða)

Robin van Persie - framherji (7 ára, 7 mánaða)

Enski boltinn Meistaradeild Evrópu

Tengdar fréttir

Van Persie með þrennu og United komst áfram | Myndband

Robin van Persie var hetja Manchester United sem komst áfram í 8-liða úrslit Meistaradeildarinnar í kvöld.

19. mars 2014 11:25

Moyes: Giggs er frík

Hinn fertugi Ryan Giggs átti stórleik í 3-0 sigri Manchester United á Olympiakos í kvöld.

19. mars 2014 22:48

Rooney: Getur verið byrjunin á tímabilinu fyrir okkur

Wayne Rooney var að sjálfsögðu kátur eftir 3-0 sigur Manchester United á gríska liðinu Olympiacos í sextán liða úrslitunum Meistaradeildarinnar í gær. United-liðið þurfti að vinna upp tveggja marka forskot Grikkjanna og það tókst þökk sé þrennu frá Robin Van Persie.

20. mars 2014 11:00