Flugvöllurinn Heathrow í London hefur lengi verið sá flugvöllur sem mest umferð fer um í heiminum. Það hefur breyst nú í ár, en fyrstu tvo mánuði ársins hefur umferð um Dubai International Airport verið talsvert meiri en um Heathrow. Munar þar 1,8 milljón farþegum í janúar og febrúar.
Aukningin um flugvöllinn í Dubai jókst um 13,5% í þessum tveimur mánuðum og kemur sú aukning ofan á 15,2% aukningu milli áranna 2012 og 2013.
Flugmógúllinn Sir Richard Branson er ómyrkur í máli um ástand flugmála í London og segir að engin ný flugbraut hafi verið byggð við Heathrow frá árinu 1945 og telur að London sé að dragast aftur í miðaldir með þessu áframhaldi. Ekki sé von á vexti í gestafjölda á Heathrow við óbreytt ástand og þar geti umferð einfaldlega ekki aukist og þarna verði að gera bragabót á.
Branson bendir einnig á að annar mjög stór flugvöllur með 6 flugbrautum sé í byggingu í Dubai sem tekið gæti við 160 milljón farþega á ári og 12 milljónum tonna varnings. Því sé von á enn frekari forystu Dubai í fjölda farþega.
Mest umferð allra flugvalla í Dubai
Finnur Thorlacius skrifar

Mest lesið



Kastrup og Jón Mýrdal hafa skilið skiptum
Viðskipti innlent

Tap útgerðarinnar vegna fjárfestinga í fiskeldi nemur milljörðum
Viðskipti innlent

Stöðva rekstur á Bakka í júlí og segja 80 manns upp störfum
Viðskipti innlent

Play tekur flugið til Agadir
Viðskipti innlent

Arion vill sameinast Kviku
Viðskipti innlent


Volvo segir upp þrjú þúsund manns
Viðskipti erlent

Lokun kísilvers á Bakka: „Þetta er grátbölvað“
Viðskipti innlent