Snapchat, vinsælt mynddreifingarforrit í snjallsíma, getur valdið því að símar verða berskjaldaðir fyrir tölvuárásum.
Í viðtali Los Angeles Times við öryggisráðgjafann Jamie Sanchez kemur fram að gallinn lýsi sér í því að tölvuþrjótar geti sent mörg þúsund skilaboð á örfáum sekúndum til einstakra notenda forritsins með þeim afleiðingum að síminn verður ónothæfur.
Þetta er ekki í fyrsta sinn sem vakið er máls á öryggismálum Snapchat en í lok síðasta árs láku 4,6 milljónum nafna og símanúmera notenda forritsins á netið og voru stjórnendur fyrirtækisins gagnrýndir harðlega fyrir seinagang.
Sanchez segir að með einföldum kóða væri hægt að senda slík fjöldaskilaboð eins og greint er frá hér að ofan á hina liðlega 5 milljón notenda á innan við klukkustund. Stjórnendur Snapchat hafa brugðist við með því að loka á notendur sem gerst hafa sekir um að misnota sér gallann.
Galli í Snapchat gæti eyðilagt Iphone
Tengdar fréttir
Persónuupplýsingum á Snapchat lekið
4,6 milljón notendanöfnum og símanúmerum á Snapchat var lekið seint í gær.
"Ef þú vilt gera Snapchat aðganginn þinn öruggan skaltu eyða honum"
Stjórnendur Snapchat hafa verið sakaðir um vanrækslu í tengslum við öryggisgalla sem blasti við í forritinu í marga mánuði án þess að nokkuð væri aðhafst.
