Vetrarólympíuleikarnir voru settir við hátíðlega athöfn í Sotsjí í Rússlandi í dag. Forseti Íslands, Herra Ólafur Ragnar Grímsson, og frú Dorrit Moussaieff, voru viðstödd hátíðina.
Forsetahjónin hittu fyrr um daginn forseta Rússlands, Vladimir Pútín, og miðað við myndir sem ljósmyndari AP fréttastofunnar smellti af ráðafólkinu fór vel á með þeim.
Auk forsetahjónanna er Illugi Gunnarsson mennta- og menningarmálaráðherra staddur í Rússlandi. Setningarhátíð leikanna stendur yfir en hún er í beinni útsendingu á Vísi.

