Veiði

Ný vötn í Veiðikortinu

Karl Lúðvíksson skrifar
Vorveiðin hefst 1. apríl
Vorveiðin hefst 1. apríl Mynd: Ríkarður Hjálmarsson
Veiðikortið nýtur sífellt meiri vinsælda hjá stangveiðimönnum enda opnar kortið fyrir veiðimöguleika í vötnum um allt land.

Á þessu ári bætast ið tvö ný vötn, Vestmannsvatn og Gíslholtsvatn.  Gíslholtsvatn er í Holtahreppi í Rangárþingi í um 85 km fjarlægð frá Reykjavík.  Í vatninu veiðist bæði bleikja og urriði sem getur orðið nokkuð vænn.  Vestmannsvatn er á mörkum Reykjadals og Aðaldals í Suður Þingeyjarsýslu.  Mikið er af fiski í vatninu og veiðimöguleikar þess vegna góðir fyrir alla fjölskylduna.  Í vatninu er bæði urriði og bleikja.  Vorveiðin hefur verið vinsæl í vatninu og margir veiðimenn sem gera sérstaklega út á það.  Veiðikortið hefur uppfært heimasíðuna sína og þar er nú að finna mikið af upplýsingum um þau vötn sem eru í kortinu.  Nú er rétt rúmur einn og hálfur mánuður í að vatnaveiðin hefjist svo það er um að gera að skoða svæðin sem verða í boði fyrir þá sem ætla út með stöngina 1. apríl.

Stangveiði

Mest lesið




×

Mest lesið