Helvítis auma Scrabble Saga Garðarsdóttir skrifar 15. apríl 2013 07:00 Nú eru mörg spil ömurleg, eins og Backgammon og Popppunktur, en ekkert spil er jafn ömurlegt og þú! Af hverju ertu bara með eitt P? Það eru mörg góð íslensk orð með fleiri en eitt P eins og til dæmis PRUMP og POPP en orðið prump ætti að liggja til grundvallar í öllum orðaspilum. Það er að segja ef þau eiga að vera skemmtileg, sem þú ert augljóslega ekki. Það er algjör óþarfi að benda mér á að auða reiti mætti nota sem P. Það sjá allir hversu estetíkst ljótt það er. P er fallegur stafur og því er nauðsynlegt að fjölga péum, jafnvel á kostnað þessara auðu reita. Skoðum til að mynda orðið pappír sem inniheldur þrjú P. Til að ná fram því orði þyrftum við að setja eitthvað líkt þessu niður: _AP_ÍR eða PA_ _ÍR. Sem er alveg ógeðslegt. Þú ert þó eflaust lítið gefið fyrir fagurfræði eins og allt annað sem skiptir máli, ljóta leiðinlega lúðaspil. Og af hverju er allt í hástöfum? Veistu ekki að þú ert að öskra? Einnig tel ég nauðsynlegt að nota skeiðklukku. Ég hef eytt löngum stundum, augljóslega að óþörfu, í að reikna út líkurnar á því að fá annað P til að mynda áðurrætt lykilorð áður en ég legg niður og svo hugsa sumir einfaldlega of hægt. Svo vil ég benda á að munurinn á milli hágildisstafa og lággildisstafa er allt of mikill. X hefur til að mynda gildið 10 en fegurri stafir eins og stafurinn minn S einungis 1. Þetta getur valdið því að spilari lokast inni með X því hann er stöðugt að bíða færis að komast á reit sem þrefaldar stafgildið. Eða að bíða eftir að fá P til að geta skrifað PEX þegar P er þegar komið í borðið því hann er ómeðvitaður um óréttlæti heimsins. Og hvað með alla þá sem hata að tapa en eru alltaf að tapa. Þú værir kannski skemmtilegt spil ef ég þyrfti ekki að tapa. Ég hef ekki kynnst neinum gegnum þig Scrabble. Þú hefur bara kostað mig vini, jafnvel nána fjölskyldumeðlimi. Ég krefst þess að tillitsamari útgáfa af þér verði gerð, sem er minna ömurleg. Þú gætir t.d. byrjað á að endurskíra þig Leiðinlegt spil sem býður ekki upp á neitt nema óréttlæti og eitt P. Allavega ekki Scrabble. Hvaða asnalega nafn er það sem er ekki einu sinni löglegt orð í eigin spili. Að lokum legg ég til að sá tími sem fer í að leika þig verði kallaður spilis með vísan í að þú ert bara aumt spil og tíminn sem í þig fer sé til spillis. FEIS. Viltu birta grein á Vísi? Sendu okkur póst. Senda grein Saga Garðarsdóttir Mest lesið Halldór 06.09.2025 Halldór Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun Akademískt frelsi og grátur í draumum Viðar Hreinsson Skoðun Sakborningur hjá saksóknara Páll Steingrímsson Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun Umfjöllun Kastljóss Þorgrímur Sigmundsson Skoðun Kristinn átrúnaður á tímum þjóðarmorðs Bjarni Karlsson Skoðun Skólinn er ekki verksmiðja Kristinn Jón Ólafsson,Halldóra Mogensen Skoðun Hvar er pabbi? Og aðrir stríðsglæpir Ísraels Þórhildur Sunna Ævarsdóttir Skoðun
Nú eru mörg spil ömurleg, eins og Backgammon og Popppunktur, en ekkert spil er jafn ömurlegt og þú! Af hverju ertu bara með eitt P? Það eru mörg góð íslensk orð með fleiri en eitt P eins og til dæmis PRUMP og POPP en orðið prump ætti að liggja til grundvallar í öllum orðaspilum. Það er að segja ef þau eiga að vera skemmtileg, sem þú ert augljóslega ekki. Það er algjör óþarfi að benda mér á að auða reiti mætti nota sem P. Það sjá allir hversu estetíkst ljótt það er. P er fallegur stafur og því er nauðsynlegt að fjölga péum, jafnvel á kostnað þessara auðu reita. Skoðum til að mynda orðið pappír sem inniheldur þrjú P. Til að ná fram því orði þyrftum við að setja eitthvað líkt þessu niður: _AP_ÍR eða PA_ _ÍR. Sem er alveg ógeðslegt. Þú ert þó eflaust lítið gefið fyrir fagurfræði eins og allt annað sem skiptir máli, ljóta leiðinlega lúðaspil. Og af hverju er allt í hástöfum? Veistu ekki að þú ert að öskra? Einnig tel ég nauðsynlegt að nota skeiðklukku. Ég hef eytt löngum stundum, augljóslega að óþörfu, í að reikna út líkurnar á því að fá annað P til að mynda áðurrætt lykilorð áður en ég legg niður og svo hugsa sumir einfaldlega of hægt. Svo vil ég benda á að munurinn á milli hágildisstafa og lággildisstafa er allt of mikill. X hefur til að mynda gildið 10 en fegurri stafir eins og stafurinn minn S einungis 1. Þetta getur valdið því að spilari lokast inni með X því hann er stöðugt að bíða færis að komast á reit sem þrefaldar stafgildið. Eða að bíða eftir að fá P til að geta skrifað PEX þegar P er þegar komið í borðið því hann er ómeðvitaður um óréttlæti heimsins. Og hvað með alla þá sem hata að tapa en eru alltaf að tapa. Þú værir kannski skemmtilegt spil ef ég þyrfti ekki að tapa. Ég hef ekki kynnst neinum gegnum þig Scrabble. Þú hefur bara kostað mig vini, jafnvel nána fjölskyldumeðlimi. Ég krefst þess að tillitsamari útgáfa af þér verði gerð, sem er minna ömurleg. Þú gætir t.d. byrjað á að endurskíra þig Leiðinlegt spil sem býður ekki upp á neitt nema óréttlæti og eitt P. Allavega ekki Scrabble. Hvaða asnalega nafn er það sem er ekki einu sinni löglegt orð í eigin spili. Að lokum legg ég til að sá tími sem fer í að leika þig verði kallaður spilis með vísan í að þú ert bara aumt spil og tíminn sem í þig fer sé til spillis. FEIS.
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun