Innan við eitt prósent GSM-viðskiptavina Vodafone hafa fært sig annað og enginn af tíu stærstu viðskiptavinum fyrirtækisins hefur sagt upp viðskiptum sínum í kjölfar tölvuárásar á heimasíðu félagsins.
Þetta kemur fram á vef Viðskiptablaðsins, en fjóra fyrstu dagana eftir árásina fluttu 297 viðskiptavinir sig annað frá Vodafone. Til samanburðar er þess getið að á fjögurra daga tímabili viku fyrr færðu 142 viðskipti sín frá Vodafone til annars fyrirtækis.
Heildarfjöldi GSM-viðskiptavina Vodafone er um 110 þúsund, og nemur því heildafjöldi uppsagna á tímabilinu því einungis um 0,27 prósent viðskiptavina í GSM-áskrift þó að um tvöföldun á uppsögnum sé að ræða.
Hlutabréf í fyrirtækinu lækkuðu mest um 15 prósent á mánudeginum eftir árásina, en hún var gerð um seinustu helgi.
