Hollendingurinn Arjen Robben hefur leikið mjög vel fyrir Bayern München í vetur og félagið vill nú gera nýjan samning við leikmanninn.
Robben er búinn að skora 13 mörk í 19 leikjum. Hann er því þegar búinn að jafna árangur sinn í markaskorun frá því á síðustu leiktíð.
Núverandi samningur hans við félagið rennur út sumarið 2015. Robben er frá vegna meiðsla í augnablikinu en það breytir engu.
"Við erum hæstánægðir með hann. Þó svo hann sé meiddur næsta sex vikurnar þá breytir það engu. Við höfum framlengt áður við meidda menn," sagði Karl-Heinz Rummenigge, stjórnarformaður Bayern.
Hollendingurinn hefur verið í herbúðum Bayern síðan 2009 er hann var keyptur frá Real Madrid.
Bayern vill framlengja við Robben
