Besti kylfingur heims, Tiger Woods, er staddur í Tyrklandi þessa dagana þar sem hann tekur þátt í opna tyrkneska mótinu.
Tiger var sex höggum á eftir efsta manni eftir fyrsta daginn. Það forskot er aðeins eitt högg eftir daginn í dag.
Þá lék Tiger á 63 höggum. Hann fékk níu fugla á hringnum og var í miklu stuði.
"Ég spilaði betur, setti niður góð pútt og er nokkuð sáttur," sagði Tiger hógvær en hann hefur ekki unnið mót á Evrópumótaröðinni síðan árið 2009.
