Búið að fresta kvennaleik Aftureldingar og ÍBV

Mótanefnd Handknattleikssambands Íslands hefur ákveðið að fresta leik Aftureldingar og ÍBV í Olís deild kvenna í handbolta vegna ófærðar frá Vestmannaeyjum. Það er enn óvissa um hvort að leikur ÍBV og FH í Olís deild karla fari fram í dag.

Nýr leiktími á leik Aftureldingar og ÍBV í Olís deild kvenna er á morgun sunnudag kl.13.30 en þetta átti að vera einn af sex leikjum í 5. umferð deildarinnar í dag.

það verður tekin ákvörðun um leik ÍBV og FH í Olís deild karla klukkan 13.00 í dag en þetta er lokaleikur 4. umferðarinnar.