FH-stelpur stóðu í meisturunum

Fram hóf titilvörnina í kvennahandboltanum á því að sækja tvö stig í Kaplakrika í kvöld en Framkonur unnu þá 21-18 marka sigur á FH. Þetta var fyrsti leikurinn í Ólís-deild kvenna í vetur en fyrsta umferðin klárast síðan á morgun.

FH-liðið stríddi Íslandsmeisturunum í kvöld og var Hafnarfjarðarliðið meðal annars 11-10 yfir í hálfleik. Framarar voru hinsvegar sterkari á lokasprettinum og tryggðu sér þriggja marka sigur.

Framliðið skoraði nær helming marka sinna af vítalínunni eða 8 af 21 marki sínu.

FH - Fram 18-21 (11-10)

Mörk FH: Berglind Ósk Björgvinsdóttir 5, Ingibjörg Pálmadóttir 4, Sigrún Jóhannsdóttir 3, Heiðrún Rún Guðmundsdóttir 3, Steinunn Snorradóttir 1, Aníta Mjöll Ægisdóttir 1, Steinnunn Guðjónsdóttir 1.

Mörk Fram: Ragnheiður Júlíusdóttir 6, Sigurbjörg Jóhannsdóttir 6, Ásta Birna Gunnarsdóttir 3, María Karlsdóttir 2, Steinunn Björnsdóttir 2, Hekla Rún Ámundadóttir 1, Marthe Sördal 1.